قازاقستان مەن ەۋروپالىق وداق اسا ماڭىزدى شيكىزات ماتەريالدارىن ءوندىرىپ، وڭدەۋدە ىنتىماقتى كۇشەيتپەك.
بريۋسسەلدەگى «Euractiv» مەديا-اگەنتتىگىنىڭ الاڭىندا ەۋروپارلامەنت دەپۋتاتتارى مەن ساراپشىلار وسى ماسەلەنى تالقىلادى، دەپ حابارلايدى Almaty-akshamy.kz.
جاسىل ەنەرگيانى دامىتۋ ءۇشىن ەۋروپا ەلدەرى سيرەك كەزدەسەتىن 34 مەتالعا ءزارۋ. ونىڭ 18ء-ىن ءبىزدىڭ ەل ءوندىرىپ، وڭدەپ وتىر. وسى سالاداعى ىنتىماقتاستىق قازاقستان مەن ەۋرووداق اراسىنداعى الىس-بەرىستى ارتتىرادى-دەيدى ساراپشىلار. بىلتىر ءوزارا ساۋدا اينالىمى 40 ملرد دوللاردى قۇراعان.
«ەۋروپالىق وداققا قاجەتتى شيكىزاتقا قازاقستان باي. ونى تەك ەكسپورتتاپ قويماي، سول جەردە وڭدەۋ ەل ەكونوميكاسىنا قوماقتى كىرىس اكەلەدى. وسى اسا ماڭىزدى شيكىزاتتى «ترانسكاسپيي»كولىك ءدالىزى ارقىلى ەۋروپاعا جەتكىزۋ-ەكىجاقتى قاتىناستى كۇشەيتەدى»، - دەيدى ازيالىق زەرتتەۋلەردىڭ ەۋروپالىق ينستيتۋتىنىڭ ديرەكتورى اكسەل گوتالس.