ەۋروپالىق وداق (ەو) قازاقستان ازاماتتارى ءۇشىن شەنگەن ۆيزاسىن الۋ ءراسىمىن جەڭىلدەتۋدى جوسپارلاپ وتىر. بۇل تۋرالى ەو-نىڭ قازاقستانداعى ەلشىسى الەشكا سيمكيچ مالىمدەدى، دەپ حابارلايدى aqshamnews.kz.
ەو مەن قازاقستان بيلىگىنىڭ وكىلدەرى ۆيزالىق رەجيمدى جەڭىلدەتۋ تۋرالى كەلىسسوزدەردى باستاۋعا دايىن ەكەندىكتەرىن راستادى. كەلىسسوزدەر قازاقستاندىقتارعا شەنگەن ۆيزاسىن الۋ پروسەسىن جەڭىلدەتۋگە باعىتتالعان.
الەشكا سيمكيچتىڭ ايتۋىنشا، بۇل پروسەسس ءبىرشاما ۋاقىتتى الاتىندىعىن اتاپ ءوتتى: "ءبىز ۆيزا رەجيمىن جەڭىلدەتۋ تۋرالى كەلىسىم بويىنشا كوپ جۇمىس ىستەپ جاتىرمىز. بۇل دەگەنىمىز، قازاقستاندىقتار ءالى دە ەۋروپاعا ۆيزا الۋى قاجەت بولادى، ءبىراق ونى راسىمدەۋ پروسەسى جەڭىلدەتىلەدى. بۇل ءبىراز ۋاقىت الادى، ءبىراق بيىل وسى كەلىسىم بويىنشا كەلىسسوزدەردى باستاۋدى جوسپارلاپ وتىرمىز. ەگەر سولاي بولسا، بولاشاقتا ۆيزا الۋ وڭايىراق بولادى."
بۇل باستاما قازاقستان مەن ەۋروپا اراسىنداعى ىسكەرلىك، ءبىلىم بەرۋ جانە مادەني بايلانىستاردى نىعايتۋعا ىقپال ەتەدى دەپ كۇتىلۋدە. شەنگەن ۆيزاسىن الۋ ءراسىمىنىڭ جەڭىلدەۋى قازاقستاندىقتاردىڭ ەۋروپا ەلدەرىنە ساپارلارىن جەڭىلدەتىپ، ىنتىماقتاستىقتى ارتتىرۋعا كومەكتەسەدى.