Tennis Europe ۇيىمى بيىل كۇزدە مونتە-كارلودا وتەتىن Junior Masters تۋرنيرىنە وراي جاڭارتىلعان رەيتينگتى جاريا ەتتى
قازاقستان تەننيس فەدەراسياسى ءمالىم ەتكەنىندەي، 14 جاسقا دەيىنگىلەر اراسىندا زاڭعار نۇرلان ۇلى بۇرىنعىسىنشا كوش باستاپ كەلەدى. ونىڭ ەنشىسىندە 520 ۇپاي بار. جالپىەۋروپالىق رەيتينگتە زاڭعار 4-ورىندا قالدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
ال قازاقستاننىڭ باسقا جاس جۇلدىزدارى دامير جالعاسباي مەن دانيەل تازابەكوۆ ءوز كورسەتكىشتەرىن جاقسارتتى. دانيەل 37ء-شى، دامير 39-شى ساتىعا كوتەرىلدى. جۋىردا ءۇندىستاننىڭ نيۋ-دەلي قالاسىندا 14 جاسقا دەيىنگىلەر اراسىندا ازيا/تىنىق مۇحيت ايماعى بويىنشا وتكەن ىرىكتەۋ تۋرنيرىندە وسى تەننيسشىلەر 3-ورىنعا يە بولىپ، قازاقستان جاسوسپىرىمدەر قۇراماسى تۇڭعىش رەت الەم چەمپيوناتىنىڭ فينالدىق كەزەڭىنە جولداما العان بولاتىن.
حالىقارالىق تەننيس فەدەراسياسى دا 18 جاسقا دەيىنگىلەر اراسىندا الەمدىك رەيتينگتى جاڭارتتى. مۇندا ۇزدىك 100 تەننيسشىنىڭ قاتارىنا كىرگەن ماكسيم باتيۋتەنكو 77-ورىنعا جايعاستى. يسلام ورىنباسار 211ء-ىنشى، دانييل فەلكەر 269-ساتىدا تۇر. دانيال راحماتۋللايەۆ بىردەن 393-تەن 371-گە، ءامىر ومارحانوۆ 704-تەن 526-عا جوعارىلادى. قىزدار اراسىندا ارۋجان ساعىندىقوۆا 77-ورنىن ساقتاپ قالسا، ساندۋعاش كەنجەبايەۆا 116-ىنشى، دانا بايداۋلەت 147ء-ىنشى، جانەل رۇستەموۆا 156-ىنشى، ەركەجان ارىستانبەكوۆا 190-ساتىدا كەلەدى.
ەسكە سالا كەتەيىك، بۇدان بۇرىن الەكساندر بۋبليكتىڭ مادريدتە ۇتىلىپ قالعانىن، ەلەنا رىباكينانىڭ شيرەك فينالعا وتە الماعانىن جازعان بولاتىنبىز.