پولشاداعى اپتاپ ىستىقتىڭ سوڭى قاتتى جەلگە ۇلاسىپ، نوسەر جاۋعان جانە سۋ تاسقىنى بولعان. بالتىق جاعالاۋىنداعى گدىنيا قالاسىندا مۋزىكالىق فەستيۆال ۇيىمداستىرۋشىلارى كونسەرتتى ۋاقىتشا توقتاتىپ، ادامداردى ەۆاكۋاسيالاعان، دەپ حابارلايدى Almaty-akshamy.kz Inform.kz-كە سىلتەمە جاساپ.
يتاليانىڭ سولتۇستىگى قۇرعاقشىلىقتان زارداپ شەگىپ جاتىر. پو وزەنىندەگى سۋ سوڭعى 70 جىلداعى ەڭ تومەنگى دەڭگەيىنە تۇسكەن. بۇل وڭىردەگى كۇرىش القابىنا، مال شارۋاشىلىعىنا ءقاۋىپ ءتوندىرىپ تۇر. شارۋالار كاسىپوداعى ەلدەگى فەرمەرلەر 30%-دان استام ەگىنىن جوعالتۋ ءقاۋپى بار ەكەنىن ەسكەرتتى. انتيسيكلونعا بايلانىستى كوتەرىلگەن تەمپەراتۋرا سالدارىنان يتاليا استاناسىنىڭ تۇرعىندارى، جابايى جانۋارلار زارداپ شەگىپ جاتىر. ريم زووباعىنىڭ قىزمەتكەرلەرى جانۋارلارعا مۇزداتىلعان جەمىستەر، ەت جانە بالىق بەرىپ جاتىر. اپەننين تۇبەگىنىڭ كوپتەگەن قالاسىندا فونتاندار ءوشىرىلدى. ۆەرونا بيلىگى سۋ ۇنەمدەۋ ءۇشىن شارالار قولدانىپ جاتىر. جازدىڭ سوڭىنا دەيىن قالا تۇرعىندارى اۋىز سۋدى باقتار مەن كوكونىس باقتارىن سۋارۋعا، كولىك جۋۋ جانە باسسەيندەردى تولتىرۋ ءۇشىن پايدالانا المايدى.
ءتارتىپ بۇزۋشىلارعا 500 ەۋرو ايىپپۇل سالىنادى.