پارمادا 2024 جىلعى ەۋروپا چەمپيوناتىنىڭ ىرىكتەۋ كەزەڭى اياسىندا سان-مارينو مەن قازاقستان قۇراماسى كەزدەستى.
بۇل ويىندا ءبىزدىڭ قۇراما 3:0 ەسەبىمەن جەڭىسكە جەتتى، دەپ حابارلايدى Almaty-kshamy.kz Prosports.kz سايتىنا سىلتەمە جاساپ.
ماچتاعى ەسەپتى 37-مينۋتتا قورعاۋشى يان ۆوروگوۆسكيي اشتى. ەكىنشى گولدى 64-مينۋتتا پەنالتيدەن اسحات تاعىبەرگەن سوقتى. ال ويىن نۇكتەسىن باكتيەر زاينۋتدينوۆ قويدى.
قازاقستان قۇراماسى كەلەسى كەزدەسۋىن 19 ماۋسىمنان 20 ماۋسىمعا قاراعان ءتۇنى بەلفاستتا سولتۇستىك يرلانديا قۇراماسىنا قارسى وتكىزەدى.
سان-مارينو – قازاقستان – 0:3 (0:1)
گول سوققاندار: ۆوروگوۆسكيي 37 (0:1)، تاگىبەرگەن 64 پەن. (0:2)، زاينۋتدينوۆ 90+4 (0:3)
2023 جىلعى 17 ماۋسىم، 00:45. يتاليا، پارما، «ەننيو تارديني» ستاديونى