الماتىلىقتار ارىق جەلىلەرىنە قانداي قوقىستار تاستايدى؟
الماتىدا 28-29 ناۋرىز ارالىعىندا جاۋىن-شاشىن كەزىندە ارىق جەلىلەرى مەن كانالداردان 20 ساموسۆال قوقىس شىعارىلدى (شامامەن 100 م3).
قالانىڭ كوممۋنالدىق قىزمەتتەرى حابارلاعانداي، باسقا قوقىستارمەن قاتار ۇلكەن كولەمدى زاتتار – مۋلتيۆاركا، كاسترول، اۆتوموبيلدەردىڭ توزعان دوڭگەلەكتەرى تابىلدى، ولار جاڭبىر سۋىنىڭ بىتەلۋىنە جانە ناتيجەسىندە ۇلكەن سۋ باسۋ ۋچاسكەلەرىنىڭ پايدا بولۋىنا سەبەپ بولدى. ارىقتار مەن كانالداردا جايالىقتار مەن تۇرمىستىق قالدىقتار ۇنەمى "ۇستالادى".
سونىمەن قاتار، كوممۋنالدىق قىزمەتتەر قالا اۋداندارىنىڭ بىرىندە اۆتوموبيلمەن جۇرۋگە ارنالعان گاز بلوكتارىمەن تولتىرىلعان ارىقتى تاپتى. نوسەر جاڭبىر باستالعانعا دەيىن بارلىق ارىق جەلىلەرىنىڭ الدىن-الا تازارتىلعاندىعى جاعدايدى قيىنداتادى.
قالا تۇرعىندارىنان سۋ باسۋدى بولدىرماۋ ءۇشىن ارىقتاردى، نوسەر اعىندارى مەن كانالداردى قالدىقتارمەن بىتەپ تاستاماۋدى سۇرايمىز. سونداي-اق، تۇرمىستىق قالدىقتارمەن بىرگە تاستالعان باسقا دا زاتتار (سىنعان تەرمومەترلەر مەن مەرزىمى وتكەن دارى-دارمەكتەر؛ دەزودورانتتار، اۋا تازارتقىشتار جانە باسقا اەروزولدەر؛ ەلەكتروندى قۇرىلعىلار مەن تۇرمىستىق تەحنيكا، فلۋورەسەنتتى شامدار، دوڭگەلەكتەر جانە باسقا دا رەزەڭكەلى بۇيىمدار؛ جيھاز، ىدىس-اياق جانە ت.ب.) قورشاعان ورتاعا ءقاۋىپ توندىرەتىنىن ەستە ۇستاعان ءجون. مۇنداي جاعدايلار انىقتالعان كەزدە بۇزۋشىلار اقبتك-نىڭ 505-بابى "قالالار مەن ەلدى مەكەندەردىڭ اۋماقتارىن اباتتاندىرۋ قاعيدالارىن بۇزۋ، سونداي-اق ينفراقۇرىلىم وبەكتىلەرىن بۇزۋ، قالا مەن ەلدى مەكەندەردىڭ جاسىل جەلەكتەرىن جويۋ جانە زاقىمداۋ" بويىنشا اكىمشىلىك جاۋاپكەرشىلىككە تارتىلاتىن بولادى.
كەز كەلگەن اۋا-رايىندا، تاۋلىكتىڭ كەز كەلگەن ۋاقىتىندا الماتى قالاسىنىڭ كوشەلەرىندە تازالىقتى ءارى جول قوزعالىسىنىڭ قاتىسۋشىلارىنا جايلى ءجۇرىپ-تۇرۋدى قامتاماسىز ەتەتىن، 1000-نان استام جول جۇمىسشىسى جانە 500 بىرلىك ارنايى تەحنيكا جۇمىس ىستەيدى. "سارى جيلەت" كيگەن ادامدار اللەيالار مەن داڭعىلداردىڭ تازالىعىنا جاۋاپ بەرەدى، قوعامدىق ورىنداردى رەتكە كەلتىرىپ، ارىقتاردى تازارتادى. كۇن سايىن كوممۋنالدىق قىزمەتتەردىڭ كۇشىمەن جۇزدەگەن توننا قوقىس پەن تۇرمىستىق قالدىقتار شىعارىلادى. وسىعان بايلانىستى الماتى قالاسىنىڭ تۇرعىندارى مەن قوناقتارىنان قورشاعان ورتاعا ۇقىپتى قاراۋدى، كوممۋنالدىق قىزمەتكەرلەردىڭ جانە ءبىر-بىرىنىڭ ەڭبەگىن قۇرمەتتەۋدى سۇرايمىز.
الماتى قالاسى كوممۋنالدىق ينفراقۇرىلىمدى دامىتۋ باسقارماسى