الماتىنىڭ باس پسيحياترى ەسىرتكى مەن الكوگولگە تاۋەلدىلىك قاتارى لۋدومانيا جانە گادجەتپەن ۇزاق وتىرۋ ادەتىمەن تولىققانىن اتاپ ءوتتى
الماتى قالالىق پسيحيكالىق دەنساۋلىق ورتالىعىنىڭ ديرەكتورى ساپار راحمەنشەيەۆ وڭىرلىك كوممۋنيكاسيالار قىزمەتىنىڭ بريفينگىندە تاۋەلدىلىكپەن كۇرەسۋدىڭ الدىن الۋ مەن ونىڭ پارمەندى ادىستەرى تۋرالى ايتىپ بەردى، دەپ حابارلايدى almaty-akshamy.kz
ناشاقورلىق، الكوگوليزم جانە لۋدومانيا - دەنساۋلىق پەن ءومىر ساپاسىنا نۇقسان كەلتىرەدى. دگەنمەن، مەگاپوليس دارىگەرلەرى جىلدار بويى سەنىمدى ەمدەۋ ادىستەرىن ازىرلەگەن.
«كەز-كەلگەن تاۋەلدىلىكتى ەمدەۋدىڭ العاشقى قادامى - ءوزىڭىزدىڭ تاۋەلدى ەكەنڭىزدى مويىنداۋ. ادام ءوزىنىڭ تاۋەلدىلىك قۇربانى ەكەنىن جانە ءوزىن باسقارا المايتىنىن مويىنداۋى كەرەك، سەبەبى ونى تاۋەلدىلىك باسقارادى. ەكىنشى قادام پسيحياتر-مامانعا (پسيحياتر-ناركولوگ) نەمەسە پسيحوتەراپيەۆتكە جۇگىنۋ بولادى. دارىگەر ەمدەۋ تاكتيكاسىن انىقتايدى (مەديسينالىق دەتوكسيكاسيامەن جانە قالپىنا كەلتىرەتىن ستاسيونارلىق ەم )»، – دەپ ءتۇسىندىردى س.راحمەنشەيەۆ.
الماتىنىڭ باس پسيحياترى تاۋەلدىلىكتى ەمدەۋ ارنايى مەديسينالىق دايىندىق پەن ءبىلىمدى قاجەت ەتەتىنىن اتاپ ءوتتى. ەمدەۋدى قاجەت ەتەتىن ادام مامانداندىرىلعان اۋرۋحاناعا، ياعني پسيحيكالىق دەنساۋلىق ورتالىعىنا بارۋى كەرەك. ەمدەۋ كەزىندە پاسيەنتتىڭ دارىگەرگە سەنۋى وتە ماڭىزدى. ناۋقاس پەن دارىگەر اراسىنداعى سەنىمدى قارىم-قاتىناسسىز تاۋەلدىلىكتى جەڭۋ وتە قيىن بولادى.
سونىمەن قاتار، بيىل الماتى قالالىق پسيحيكالىق دەنساۋلىق ورتالىعىنىڭ ماماندارى اكىمشىلىك بۇزۋشىلىقتارى ءۇشىن ۇستالعان ادامدار اراسىندا ناشاقورلىق پەن ماسكۇنەمدىككە شالدىققانداردى انىقتادى. بارلىعى 48 جاعداي، ولاردىڭ بارلىعىنا مەديسينالىق جانە پسيحولوگيالىق كومەك كورسەتىلدى.
«وكىنىشكە قاراي، جاسوسپىرىمدەر اراسىندا ناشاقورلىق بۇزىلىستارىن ەرتە انىقتاۋ ماسەلەسى ءالى شەشىلگەن جوق. سەبەبى كامەلەتكە تولماعانداردىڭ اتا – انالارى مەكتەپتەردە ەسىرتكى/پسيحواكتيۆتى زاتتاردى قولدانۋ بويىنشا زەرتتەۋلەر (تەستىلەۋ) جۇرگىزۋگە قارسى»، - دەپ ءبولىستى قالانىڭ باس پسيحياترى.
الماتى قالالىق پسيحيكالىق دەنساۋلىق ورتالىعىندا قازىرگى ۋاقىتتا ناركولوگيالىق ەسەپتە 4599 ادام، ونىڭ ىشىندە كامەلەتكە تولماعان 16 ءجاسوسپىرىمنىڭ تۇرعانى حابارلاندى.
الكوگولگە تاۋەلدىلىك تۋرالى ايتا كەلە، ساراپشى بۇگىنگى تاڭدا الماتىدا ماسكۇنەمدىككە تاۋەلدى 3438 ادامنىڭ اراسىندا كامەلەتكە تولماعان ەكى ءجاسوسپىرىم بار ەكەنىن اتاپ ءوتتى.
تاۋەلدىلىكتەر تۋرالى جالعاستىرا وتىرىپ، دارىگەر لۋدومانياعا توقتالدى، ودان ەمدەلۋدى نەعۇرلىم ەرتە باستاسا، سوعۇرلىم جاقسى بولماق. ساراپشى سونىمەن قاتار جاسوسپىرىمدەر اراسىندا گادجەتتەرگە تاۋەلدىلىكتىڭ ءجيى كەزدەسەتىنىنە دە توقتالدى. بۇعان كەيدە اتا-انالارىنىڭ وزدەرى جول كورسەتەدى، دەيدى ول. ورتالىقتا الماتى قالاسىنىڭ ءبىلىم باسقارماسىمەن بىرلەسىپ، گادجەتتى ۇنەمى پايدالاناتىن 3 مىڭنان استام بالاعا ساۋالناما جۇرگىزىلدى. ناتيجەسىندە الدىن الۋ شارالارى بار بالالار مەن جاسوسپىرىمدەر اراسىندا گادجەتتەرگە تاۋەلدىلىك ماسەلەلەرى بويىنشا ادىستەمەلىك قۇرال شىعارىلدى.
«ددۇ ۇسىنىسى بويىنشا 2 جاسقا دەيىنگى بالالارعا گادجەتتەردى قولىنا بەرۋگە بولمايدى. بىزدە، كەرىسىنشە، اتا-انالار ءۇش ايدان باستاپ بالانىڭ نازارىن اۋدارىپ، كەدەرگى جاساماس ءۇشىن قولدارىنا گادجەتتەر بەرەدى. ساۋالناما بارىسىندا ءبىز ويىندار مەن الەۋمەتتىك جەلىلەردە 2-3 ساعاتتان استام ۋاقىت وتكىزەتىن بالالار بار ەكەنىن انىقتادىق. ءبىز 12 جاسقا دەيىنگى بالالارعا گادجەتتەردى تاۋلىگىنە 2 ساعاتقا دەيىن، 12 جاستان اسقان بالالارعا ءۇش ساعاتقا دەيىن پايدالانۋدى ۇسىنامىز، ءبىراق اتا - انالار مۇنى باقىلاۋى كەرەك»، - دەپ اياقتادى ساراپشى.