ىشكى ىستەر مينيسترلىگى وقۋشىلار مەن ستۋدەنتتەرگە ەسكەرتۋ جاساپ، ەسىرتكى قىلمىسى ءۇشىن قانداي جازا قاراستىرىلعانىن ايتىپ بەردى، دەپ حابارلادى almaty-akshamy.kz Polisia.kz. سىلتەمە جاساپ
ەسىرتكىنى ساقتاۋ، وتكىزۋ، ءوندىرۋ نەمەسە تاسىمالداۋ ءۇشىن قىلمىستىق جاۋاپكەرشىلىك 16 جاستان باستالادى. ەسىرتكىنى جاسىراتىن ادام نەمەسە كۋرەر 7 جىلدان 15 جىلعا دەيىن باس بوستاندىعىنان ايىرىلادى. ينتەرنەتتە ەسىرتكىنى جارنامالاۋ، ناسيحاتتاۋ، بەلگىلى ءبىر ەسىرتكى تۋرالى فورۋمداردا وڭ پىكىرلەر ءۇشىن 3 جىلدان 6 جىلعا دەيىن باس بوستاندىعىنان ايىرۋ جاسازى قاراستىرىلعان.
جىل باسىنان بەرى پوليسيا ەسىرتكى قىلمىسىنا قاتىسقانى ءۇشىن 34 كامەلەتكە تولماعاندى ۇستادى. ولاردىڭ ءارقايسىسىنىڭ جاۋاپكەرشىلىك دارەجەسىن تەرگەۋ ورگاندارى مەن سوت بەلگىلەيدى. الايدا تەك جازالاۋ شارالارىمەن جاعدايدى تۇزەتۋ مۇمكىن ەمەس.
ءىىم ەسىرتكى قىلمىسىنا قارسى ءىس-قيمىل دەپارتامەنتىنىڭ باسشىلىعى جاستارعا ەسىرتكىنىڭ زاڭسىز اينالىمىنا قاتىسۋدىڭ سالدارى قانداي بولاتىنىن ءتۇسىندىردى. وسىعان بايلانىستى مينيسترلىكتىڭ ەسىرتكىگە قارسى ءىس-قيمىل دەپارتامەنتى باسشىسىنىڭ ورىنباسارى باقىتجان ءامىرحانوۆ استانا قالاسى №3 مەكتەپ-گيمنازياسىنىڭ وقۋشىلارى مەن كولىك جانە كوممۋنيكاسيا جوعارى كوللەدجىنىڭ ستۋدەنتتەرىمەن كەزدەستى.
پوليسەي ولارعا ەسىرتكى قىلمىسى ءۇشىن جازا اۋىر بولاتىنىن ەسكەرتتى. ونىڭ ايتۋىنشا، ەسىرتكى ساتۋشىلار جاسوسپىرىمدەردى زاڭسىز زاتپەن تىكەلەي بايلانىس قاجەت بولعاندا پايدالانادى.
جاسوسپىرىمدەردى مانيپۋلياسيالاۋ وڭاي. ولاردى قىلمىس ءۇشىن جاۋاپقا تارتۋ جاسىنا جەتپەگەن دەپ سەندىرەدى. سوندىقتان اۋىر جازا بولمايدى، جوق دەگەندە اتا-انالارعا ايىپپۇل سالىنادى دەپ ايتىلادى. جاستارعا از كۇش جۇمساپ، ۇلكەن تابىس تابۋعا ۋادە بەرىلەدى. الايدا مۇنداي ەسىرتكى كۋرەرى «جۇمىسىنىڭ» ماكسيمالدى مەرزىمى – 2-3 اي. سودان كەيىن ولار ۇستالىپ، 7 جىلدان 10 جىلعا دەيىن باس بوستاندىعىنان ايىرىلادى، كولونيادا جازاسىن وتەيدى، - دەدى باقىتجان ءامىرحانوۆ.
قارا نارىقتا 1 گرامم مەفەدرون 28 مىڭ تەڭگە تۇرادى، ال ەسىرتكى دۇكەنىندە 1 گرامم ەسىرتكى – 2 مىڭ تەڭگە.
باقىتجان ءامىرحانوۆ كامەلەتكە تولماعاندار اراسىنداعى قىلمىستى بولدىرماۋدا ءاربىر پوليسيا قىزمەتكەرىنىڭ ۇلەسى ماڭىزدى ەكەنىن اتاپ ءوتتى. سوندىقتان مينيسترلىك ەلوردانىڭ وقۋ ورىندارىندا بەيىندى دەپارتامەنت قىزمەتكەرلەرىمەن وسىنداي ءىس-شارالاردى وتكىزۋ كەستەسىن ازىرلەگەن.
جىل سوڭىنا دەيىن ولاردىڭ قاتىسۋىمەن ەلوردانىڭ بارلىق كوللەدج ستۋدەنتتەرىمەن كەزدەسۋ وتكىزىلەدى. كەلەسى جىلى بۇل جۇمىس مەكتەپتەر مەن جوعارى وقۋ ورىندارىندا جالعاسادى.