الماتى پوليسياسى ەسىرتكى كۋرەرلەرى بەتبەلگى قويۋ ءۇشىن كوفە ستاقاندارىن پايدالاناتىنىن ايتتى، – دەپ حابارلايدى Polisia.kz.
الماتى پوليسياسى ارنايى ءىس-شارا بارىسىندا سينتەتيكالىق ەسىرتكىنى كوتەرمە ساتۋشىلار مەن بولشەك ساۋدادا تاراتۋشىلاردى ۇستادى. بەلگىلى بولعانداي، ولار جۇپپەن جۇمىس ىستەگەن.
– بىرنەشە كۇن بۇرىن 27 جانە 29 جاستاعى الماتى ازاماتتارى ۇستالدى، ولاردان مەفەدرون سينتەتيكالىق پسيحوتروپتىق زاتى بار 36 بۋما تاركىلەندى. ارنايى ءىس-شارالار بارىسىندا جاستار ەسىرتكىنى تۇراقتى جەتكىزۋشىلەردەن ساتىپ العانى انىقتالدى. بۇل ادامدار، بەلگىلى بولعانداي، تەك سەنىمدى ساتۋشىلارمەن “جۇمىس ىستەۋدى” ءجون كوردى. قاسكويلەردىڭ جالعا العان ۇيىنەن، اتاپ ايتقاندا، توڭازىتقىشتان جالپى سالماعى 2 كەلىگە جۋىق ۇنتاقتى زات سالىنعان 745 بۋما تابىلدى جانە تاركىلەندى. ۇستالعاندار قىلمىستارىن مويىنداپ، ەسىرتكىنى كوپ مولشەردە الماتى وبلىسىنىڭ ەلدى مەكەندەرىنەن العاندارىن ايتتى. كۇدىكتىلەر ءىرى كولەمدەگى ەسىرتكىنى كوفە ستاقاندارىنا جاسىرعان، – دەدى الماتى قالالىق پد ەسىرتكى قىلمىسىنا قارسى كۇرەس باسقارماسىنىڭ باستىعى ەرلان الماعامبەتوۆ.