قازاقستانعا اۆتوكولىك يمپورتى رەكوردتى جاڭارتىپ وتىر
ق ر قارجى مينيسترلىگى مەملەكەتتىك كىرىستەر كوميتەتىنىڭ مالىمەتىنشە، شىلدە ايىندا شەتەلدەن 16،7 مىڭ جەڭىل اۆتوكولىك اكەلىنگەن، دەپ حابارلايدى Almaty-akshamy.kz.
DANA HUB تەلەگرامم كانالىنىڭ مالىمەتىنە سۇيەنسەك، بۇل وتكەن جىلمەن سالىستىرعاندا 4 ەسەگە جۋىق نەمەسە 12،2 مىڭ بىرلىككە كوپ. بۇل كورسەتكىش 6 اي قاتارىنان وسۋدە، ونىڭ سوڭعى بەس ايىنداعى كورسەتكىشتەرى قارقىندى ءوسىمدى كورسەتەدى.
جالپى، وتكەن جىلمەن سالىستىرعاندا وسى جىلدىڭ سوڭعى 7 ايىندا قازاقستانعا تورتتەن ءبىر ەسە كوپ – 82،7 مىڭ دانا اۆتوكولىك اكەلىنگەن. ياعني، 67،4 مىڭ بىرلىككە ارتىق.
اۆتوكولىك قاي ەلدەن كوبىرەك الىپ كەلىنەدى؟
قاڭتار-شىلدە ايلارىندا كولىك شىعارۋشى ەلدەردەن قازاقستان تاسىمالداۋ كولەمىن ارتتىرىپ، جىل سايىنعى ماندە يمپورتتاۋ قارقىنى وسكەندىگىن كورسەتىپ وتىر. ءوسىم مىنا ەلدەردەن بايقالادى:
جۇڭگو – 26،5 مىڭ بىرلىك. (+22،1 مىڭ بىرلىك). ايتپاقشى، ول جەرگىلىكتى نارىقتى بەلسەندى تۇردە جاۋلاپ الۋعا كۇش سالۋدا؛
اقش – 17 مىڭ بىرلىك. (+12،8 مىڭ بىرلىك)؛
جاپونيا – 16،5 مىڭ بىرلىك. (+8 مىڭ بىرلىك)؛
كورەيا رەسپۋبليكاسى – 10،5 مىڭ بىرلىك. (+3،4 مىڭ بىرلىك)؛
گەرمانيا – 2،9 مىڭ بىرلىك. (+2،5 مىڭ بىرلىك).
ءبىر قىزىعى ەل نارىعىن كولىگىمەن جاۋلاعان رەسەيدەن اۆتوكولىكتەرى اسا كوپ ەمەس. قاڭتار-شىلدە ايلارىندا نەبارى 0،3 مىڭ كولىك اكەلىنگەن. ال ءبىر جىل بۇرىن – 7،4 مىڭ كولىك تىركەلگەن ەكەن. كەرىسىنشە، ەلىمىزدەن رەسەيگە اۆتوكولىك ەكسپورتى ارتقان. سيفرمەن سويلەتسەك، 0،9 مىڭنان 8،6 مىڭعا دەيىن ارتقانىن بايقادىق.
اقشا جاعى قالاي بولار ەكەن؟
شىلدە ايىندا شەتەلدىك اۆتوكولىكتەردى ساتىپ الۋعا جۇمسالعان شىعىندار 357،1 ميلليون دوللارعا جەتكەن. بۇل ءبىر جىل ىشىندە 3 ەسەگە نەمەسە 243،6 ميلليون دوللارعا ارتقانىن كورسەتەدى. وسىلايشا، تاريحي رەكورد ورناتتى دەسەك جاڭىلمايمىز. سوڭعى 7 ايدىڭ قورىتىندىسى بويىنشا بۇل كورسەتكىش $1،79 ملرد دەڭگەيىنە تۇراقتاعان. ءبىر قىزىعى، 2022 جىلدىڭ اياعىندا – $1،82 ملرد دوللار جۇمسالعان.
تىزگىندى كولىك شىعارۋشى الپاۋىت مەملەكەتتەر بەرەر ەمەس. تەك «كۇشتىلەردىڭ» عانا ورنى اۋىستى. التى اي كورسەتكىشى بويىنشا جاپونيا قازاقستانعا اۆتوكولىك جەتكىزۋدەن ەڭ كوپ تابىس تاپتى – $538،3 ملن (+ $187،7 ملن جىل سايىن). كولىك قۇراستىرۋ قارقىنىن ۇدەتكەنىنە قاراماستان، جۇڭگو - 441،8 ميلليون دوللار (+ 389،1 ميلليون دوللار) تابىس تاۋىپ، ەكىنشى ورىندى مىسە تۇتۋدا. باسقا ءىرى يمپورتتاۋشىلار ەلدەردىڭ دە ديناميكاسى وسكەن. ءبىراق اتالعان ەلدەرگە قاراعاندا وتە ناتيجەلى ەمەس. دەگەنمەن، ۇسىنىپ كورەيىك:
اقش – 281 ميلليون دوللار (+ 210،9 ميلليون دوللار)؛
گەرمانيا – $155،4 ملن (+ $126 ملن)؛
كورەيا رەسپۋبليكاسى – $153،2 ملن (+ $115،1).
دەمەك، كولىك تاسىمالىنىڭ ارتۋى ەسكى كولىكتەردىڭ ساتىلۋىنا وزىندىك اسەرىن تيگىزبەي قويمايدى. سوندىقتان ەسىڭ باردا ەسكى كولىكتەن قۇتىل!