ەسىگى جوق بالكون

قۇرىلىسشىلار ۇيگە بالكوندى ورناتقانىمەن وعان شىعاتىن ەسىكتى ۇمىتىپ كەتكەن

بالكونى بار، ەسىگى جوق. مۇندايدى تەك بىزدە ەلدە عانا كورەتىن شىعارسىز. ەلىمىزدىڭ سولتۇستىگىندە كوپ قاباتتى تۇرعىن ءۇي سالعان قۇرىلىسشىلار ۇيگە بالكوندى ورناتقانىمەن وعان شىعاتىن ەسىكتى ۇمىتىپ كەتكەن، – دەپ حابارلايدى Almaty-akshamy.kz 31-ارنانىڭ «ينفورمبيۋرو» باعدارلاماسىنا سىلتەمە جاساپ. 

ەندى ۇيدەگى ادام بالكونعا بارۋى ءۇشىن كىشكەنە تەرەزەدەن ىرشىپ شىعۋى كەرەك. تاڭقالارلىعى جوبالىق-سمەتالىق قۇجاتتا بالكون مۇلدەم كورسەتىلمەگەن. ال باسپانا كەزەگىندە تۇرعان مۇقتاج وتباسىلارعا يپوتەكاعا بەرىلۋى ءتيىس تۇرعىن ءۇيدى ءوز قاراجاتىنا جوندەپ جاتقان قۇرىلىس كومپانياسى بالكوندى سالۋىن سالعانىمەن، ەسىگىن قويعانعا ەرىنگەن سياقتى.

بالكونعا شىعاتىن ەسىگى جوق بۇل ءتورت قاباتتى تۇرعىن ءۇي پەتروپاۆلدان 200 شاقىرىم جەردەگى سەرگەيەۆكا قالاسىندا تۇر. اۋدان اكىمى راحات سماعۇلوۆتىڭ ايتۋىنشا، 90 جىلداردان قيراپ جاتقان تۇرعىن ءۇيدى جەكە كومپانيا ءوز قاراجاتىنا جوندەپ جاتىر. ال قۇرىلىس كومپانياسى بالكوندى تەك ءۇيدىڭ دەكوراتيۆى رەتىندە قالدىراتىن بولعان.