الماتى قالاسىنىڭ جەتىسۋ اۋدانىندا كۇردەلى جوندەۋ اياسىندا ەسەنتاي وزەنىنىڭ جاعاسىندا، چەرنوۆيسكايا كوشەسىنىڭ بويىندا سامىرسىن كوشەسىنە دەيىن جاعالاۋ سالۋ جۇمىستارى باستالدى. جاعالاۋدىڭ جالپى ۇزىندىعى 1200 مەتر.
رەكونسترۋكسيالاۋ اياسىندا وزەن ارناسى تازارتىلىپ، سەرۋەندەۋ ايماعى قۇرىلادى. جاڭا قوعامدىق كەڭىستىكتە 3700 م2 توسەنىش توسەۋ، 230 م2 تۇراق ورناتۋ، سونداي-اق 6850 م2 جەردى كوگالداندىرۋ جوسپارلانعان. سونداي-اق ۇزىندىعى 1،2 شاقىرىم بولاتىن 120 جارىقتاندىرۋ تىرەگىن ورناتۋ جوسپارلانعان. كەلۋشىلەردىڭ جايلىلىعى ءۇشىن 50 ورىندىق پەن قوقىس جاشىگىن ورناتۋ جوسپارلانىپ وتىرا. وسىلايشا 2 ىڭعايلى سانيتارلىق توراپ ورناتىلادى.
بالالار مەن سپورت الاڭدارى بار جاڭا قوعامدىق كەڭىستىك قۇرۋ، سكەيت الاڭىن، جاياۋ جۇرگىنشىلەر جولدارىن جانە وزەن جاعاسىندا دەمالۋ مۇمكىندىگى بار الاڭدى جايلاستىرۋ جوبانىڭ ماڭىزدى بولىگى سانالادى. اتكەنشەك، سىرعاناق جانە ورمەلەۋ سياقتى اشىق ويىن ەلەمەنتتەرى بالانىڭ موتوريكاسى مەن فيزيكالىق بەلسەندىلىگىن ارتتىرادى.
كوپىر وتكەلدەرىن قايتا قۇرۋ جاياۋ جۇرگىنشىلەر مەن ۆەلوسيپەدشىلەر ءۇشىن قاۋىپسىزدىك پەن قولجەتىمدىلىكتى قامتاماسىز ەتۋگە باعىتتالعان. تروتۋارلار مەن ۆەلوسيپەد جولدارىن ورناتۋ قاراستىرىلعان، اۆتوماتتى سۋارۋ دا سالىنادى.
جاڭا قوعامدىق كەڭىستىك وزەن جاعاسىن قالا اۋماعىنداعى بىرەگەي تابيعي ساياباققا اينالدىرادى. قۇرىلىس جۇمىستارىن 2024 جىلدىڭ ەكىنشى توقسانىنىڭ سوڭىنا دەيىن اياقتاۋ جوسپارلانىپ وتىر.
ەستەرىڭىزگە سالا كەتەيىك، 8 ءساۋىر مەن 8 مامىر ارالىعىندا الماتىدا «الماتى – ءبىزدىڭ ورتاق ءۇيىمىز» ناۋقانى ءوتىپ جاتىر. ءاربىر تۇرعىن قالانىڭ دامۋى مەن اباتتاندىرىلۋىنا ءوز ۇلەسىن قوسا الادى.
بارلىق اقپارات almaty.kz سايتىندا، الماتى اكىمدىگىنىڭ الەۋمەتتىك جەلىلەرىندە ورنالاسقان. سونداي-اق، ۆەب-سايتقا ارنايى QR-كود ارقىلى قالا بويىنشا ورنالاستىرىلعان باننەرلەردە، پلاكاتتاردا جانە افيشالاردا كىرۋگە بولادى.
ناۋقاننىڭ بەلسەندى قاتىسۋشىلارىنا ارنالعان الەۋمەتتىك جەلىدەگى حەشتەگتەر: #الماتىناشوبششييدوم، #ناسمنوگوگورودودين، #ءالماتىبىزدىڭورتاقۇيىمىز، #بىزكوپپىزقالاجالعىز.