الەۋمەتتىك جەلىدە الماتىلىق جۇرگىزۋشىنىڭ كولىگىمەن ەسەنتاي وزەنىندە جۇرگەن ءساتى تۇسىرىلگەن ۆيدەو تارادى، دەپ حابارلايدى aqshamnews.kz
كۋاگەرلەردىڭ ايتۋىنشا، ول كولىگىن سۋ ارناسىنا ايداپ كىرىپ، توبەسىنە زاڭسىز ورناتىلعان شامدى قوسىپ جۇرگەن. سونداي-اق اۆتوكولىكتە مەملەكەتتىك ءنومىر بولماعان، دەپ جازادى inbusiness.kz سايتى.
الماتى پوليسيا دەپارتامەنتى بۇل ارەكەتتى بىردەن بىرنەشە زاڭ بۇزۋشىلىققا جاتقىزدى: رۇقسات ەتىلمەگەن جارىق قۇرالىن پايدالانۋ، مەملەكەتتىك ءنومىرسىز ءجۇرۋ جانە سۋ ارناسىنا كولىكپەن كىرۋ.
– قاۋىپسىزدىككە قاتەر توندىرەتىن مۇنداي قۇقىقبۇزۋشىلىقتارعا جول بەرىلمەيدى. جۇرگىزۋشى بارلىق انىقتالعان دەرەك بويىنشا جاۋاپ بەرەدى. پوليسيا تۇرعىنداردى زاڭ مەن جول ءجۇرۋ ەرەجەلەرىن ساقتاۋعا شاقىرادى، – دەدى قالالىق پد جەرگىلىكتى پوليسيا قىزمەتى باسقارماسى باستىعىنىڭ ورىنباسارى تيمۋر نوعايبايەۆ.
قازىرگى تاڭدا وقيعا بويىنشا تەكسەرۋ جۇرگىزىلۋدە.