بۇل تۋرالى بوستاندىق اۋدانىنىڭ تۇرعىندارىمەن كەزدەسۋدە قالا اكىمى ەربولات دوسايەۆ مالىمدەدى.
2022 جىلى بوستاندىق اۋدانىندا ۇزىندىعى شامامەن 23 شاقىرىم 22 كوشەگە ورتاشا جوندەۋ جۇرگىزىلدى. جالپى اۋدانى 8 مىڭ شارشى مەتردەن اساتىن 65 كوشەگە اعىمداعى جوندەۋ جۇرگىزىلدى. 4 شاقىرىم تروتۋار سالىنىپ، جوندەلدى.
وسى جىلى اۋدان اۋماعىندا ءبىرىنشى كەزەڭدە ۇزىندىعى 15،5 شاقىرىم 31 كوشەگە ورتاشا جوندەۋ جۇمىستارىن جۇرگىزۋ جوسپارلانعان. سونداي-اق ءال-فارابي داڭعىلى بويىنداعى ەسەنتاي وزەنى ارقىلى وتەتىن كوپىر جاڭارتىلىپ، 2 كوپىر مەن ەرەكشە قاجەتتىلىكتەرى بار ادامدارعا ارنالعان پاندۋستار ورناتىلادى. جوبالاۋ-سمەتالىق قۇجاتتاما مەملەكەتتىك ساراپتامادان اقپان ايىنىڭ سوڭىنا دەيىن شىعادى دەپ كۇتىلۋدە.