الماتىدا ءال-فارابي داڭعىلىنداعى ەسەنتاي وزەنى ارقىلى وتەتىن كوپىردە 8 جولاقتى كولىك قوزعالىسى ۋاقتىلى اشىلدى، دەپ حابارلايدى almaty-akshamy.kz
اعىمداعى جىلى شىلدەدە تەحنيكالىق ساراپتاما ناتيجەلەرىنە سايكەس اپاتتىق جاعدايدا دەپ تانىلعان ءال-فارابي داڭعىلىنداعى ەسەنتاي وزەنى ارقىلى وتەتىن كوپىردى رەكونسترۋكسيالاۋ جۇمىستارى باستالعان بولاتىن. جاڭعىرتۋ جۇمىستارى اياسىندا بەلارقالاردى كۇشەيتۋ، ەسكىلەرىن الىنىپ، 96 جاڭا ارالىق قۇرىلىس پليتالارى ورناتىلدى، گيدرويزولياسيا جاسالىپ، اسفالتبەتون جابىنى توسەلدى. 1 قىركۇيەك كەستەگە سايكەس تەحنيكالىق اشىلۋى بولدى.
قازىرگى كەزدە اباتتاندىرۋ جۇمىستارى جۇرگىزىلىپ جاتىر، جاياۋ جۇرگىنشىلەرگە كولىك جۇرەتىن بولىكتىڭ ەكى شەتىنەن ۋاقىتشا جولاق بولىنگەن. كوپىردىڭ بويىمەن تولىعىمەن كولىك قوزعالىسى اشىق.