ەرتىس ورمانى» رەزەرۆاتىنداعى ورتكە بايلانىستى پاۆلودار وبلىسىنداعى 3 اۋىلدىق وكرۋگ اۋماعىندا توتەنشە جاعداي جاريالانادى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«پاۆلودار وبلىسى شارباقتى اۋدانىنىڭ الەكساندروۆكا اۋىلدىق وكرۋگى، گالكينو اۋىلدىق وكرۋگى جانە شالداي اۋىلدىق وكرۋگى اۋماقتارىندا جەرگىلىكتى اۋقىمداعى تابيعي سيپاتتاعى توتەنشە جاعداي جاريالانسىن. ونى جويۋعا باعىتتالعان ءىس-شارالاردى وتكىزۋ ءۇشىن ءوزىمدى باسشىسى ەتىپ تاعايىندايمىن. وسى شەشىم العاشقى رەسمي جاريالانعان كۇنىنەن باستاپ قولدانىسقا ەنگىزىلەدى جانە 15 شىلدەدەن باستاپ تۋىنداعان قۇقىقتىق قاتىناستارعا قولدانىلادى»، - دەلىنگەن اشىق نقا پورتالىندا جاريالانعان شارباقتى اۋدانىنىڭ اكىمى ءازىلحان ابەۋوۆتىڭ شەشىمىندە.
ايتا كەتەيىك، 15 شىلدە كۇنى «ەرتىس ورمانى» رەزەرۆاتىندا ءورت شىققان ەدى.
كەيىن وقيعا ورنىنا توتەنشە جاعدايلار ءمينيسترى سىرىم ءشارىپحانوۆ بارىپ، جاعدايدى ءوز باقىلاۋىنا الدى.