قازاقستاننىڭ وڭتۇستىك-شىعىسىندا، سولتۇستىگىندە جانە سولتۇستىك-باتىسىندا جاڭبىر جاۋىپ، نايزاعاي ويناپ، بۇرقاسىن، جەل، بۇرشاق بولۋى مۇمكىن.
"قازگيدرومەت" 23، 24 جانە 25 ماۋسىمعا ارنالعان اۋا رايى بولجامىن ۇسىندى، دەپ حابارلايدى Almaty-akshamy.kz.
سينوپتيكتەر بولجامى بويىنشا، الداعى ءۇش كۇندە سولتۇستىك سيكلون اسەرىنەن ەلىمىزدىڭ باسىم بولىگىندە اۋا رايى تۇراقسىز بولادى.
«اتىراۋ، اقتوبە، قوستاناي جانە قاراعاندى وبلىستارىنىڭ وڭتۇستىگىندە 40 گرادۋس اپتاپ كۇتىلەدى. قىزىلوردانىڭ وڭتۇستىگىندە، تۇركىستان وبلىسىنىڭ ءشولدى ايماقتارىندا 45 گرادۋس اپتاپ بولادى دەپ بولجانعان. جامبىل وبلىسىنىڭ وڭتۇستىگىندە 43 گرادۋس ىستىق كۇتىلەدى»، - دەلىنگەن حابارلامادا.
قازاقستاننىڭ وڭتۇستىك-شىعىسىندا، سولتۇستىگىندە جانە سولتۇستىك-باتىسىندا جاڭبىر جاۋىپ، نايزاعاي ويناپ، بۇرقاسىن، جەل، بۇرشاق بولۋى مۇمكىن.