فەستيۆال قوناقتارى قازاقستاننىڭ ۇزدىك انيماسيالىق كينوستۋديالارىنىڭ كورمەسىن تاماشالايدى.
ءداستۇرلى حالىقارالىق ÁMEN انيماسيالىق فيلمدەر كينوفەستيۆالى (ÁMEN International Animation film festival) 29-30 قازان كۇندەرى تۇركىستان قالاسىندا وتەدى، دەپ حابارلايدى اlmaty-akshamy.kz ق ر اقپارات جانە قوعامدىق دامۋ مينيسترلىگىنە سىلتەمە جاساپ.
بيىل ءۇشىنشى رەت ۇيىمداستىرىلاتىن حالىقارالىق شاراعا وتاندىق جانە باۋىرلاس تۇركى، ورتاازيالىق ەلدەردىڭ، اتاپ ايتقاندا تۇركيا، ازەربايجان، قىرعىزستان، وزبەكستان، تاجىكستان، سونداي-اق رەسەيدەگى باشقورتاستان مەن تاتارستاننىڭ بىلىكتى مۋلتيپليكاتورلارى قاتىسادى.
بايقاۋعا انيماسيا سالاسىندا بەلگىلى مامانداردان قۇرىلعان حالىقارالىق قازىلار القاسى تورەلىك ەتەدى. جەڭىمپازدار بىرنەشە نوميناسيا بويىنشا ماراپاتتالادى.
بۇدان بولەك، فەستيۆال اياسىندا شەتەلدىك وزىق مۋلتيپليكاتورلاردىڭ ماستەر-كلاستارى مەن ترەنينگتەرى جوسپارلانعان. قاتىسۋشىلار الەمگە تانىمال 4 ماماننىڭ ءدارىسىن تىڭداپ، كاسىبي شەبەرلىگىن شىڭداۋعا مۇمكىندىك الادى.
سونداي-اق، فەستيۆال قوناقتارى قازاقستاننىڭ ۇزدىك انيماسيالىق كينوستۋديالارى كورمەسىن تاماشالايدى. وندا كينوستۋديالار انيماسيا جاساۋدىڭ قىر-سىرى مەن ەرەكشەلىكتەرىن كورسەتىپ، جاس ماماندار ءۇشىن تاجىريبە الماسۋ الاڭىن ۇيىمداستىرادى.
باعدارلاما بويىنشا، ءىس-شارانىڭ ەكىنشى كۇنى تۇركى ەلدەرىندەگى كينو ونەرىنىڭ دامۋ باعىتتارىنا، بۇگىنى مەن ەرتەڭىنە ارنالعان دوڭگەلەك ۇستەل وتەدى. شەتەلدىك جانە وتاندىق انيماسيا سالاسىنىڭ ماماندارى ءوزارا بايلانىس ورناتىپ قانا قويماي، وزەكتى تاقىرىپتاردا پىكىر الماسىپ، تۇركىتىلدەس ەلدەردىڭ انيماسيا سالاسىنداعى ىنتىماقتاستىعىنا جاڭا سەرپىن بەرمەك.
قازاقستان تاۋەلسىزدىگىنىڭ 30 جىلدىعىنا ورايلاستىرىلعان فەستيۆالدىڭ بيىل تۇركى دۇنيەسىنىڭ رۋحاني استاناسى – تۇركىستان قالاسىندا ءوتۋى دە ايرىقشا مانگە يە. ۇيىمداستىرۋشىلار شاھار تۇرعىندارى مەن قوناقتارىنا مەرەيتوي قارساڭىندا ايرىقشا سىي جاساماق. تۇركىستاندىقتار ەكى كۇن قاتارىنان قالاداعى ەڭ ۇزدىك كينوزالداردان ەلىمىزدىڭ جانە تۇركى ەلدەرىنىڭ ەڭ ۇزدىك انيماسيالىق فيلمدەرىن تەگىن تاماشالايدى.
ءداستۇرلى فەستيۆالدى OzgeEpic زاماناۋي ونەر كەڭىستىگى مەن قازاقستان انيماسيالىق كينوستۋديالار قاۋىمداستىعى اقپارات جانە قوعامدىق دامۋ مينيسترلىگىنىڭ قولداۋىمەن ۇيىمداستىرادى.