بۇدان بۇرىن وسى شاراعا قاتىسۋ ءۇشىن مەملەكەت باسشىسىنىڭ تۇركياعا بارعانىن حابارلاعانبىز.
12 قاراشادا ىستانبۇلدا تۇركى كەڭەسى مەملەكەتتەرى باسشىلارىنىڭ VIII ءسامميتى وتەدى، دەپ حابارلايدى Almaty-akshamy.kz
«سيفرلىق داۋىردەگى جاسىل تەحنولوگيالار مەن اقىلدى قالالار» تاقىرىبىنا ارنالعان سامميتكە قازاقستان، ازەربايجان، قىرعىزستان، وزبەكستان جانە تۇرىكمەنستان پرەزيدەنتتەرى، سونداي-اق ماجارستان پرەمەر-مينيسترى مەن تۇركى كەڭەسىنىڭ باس حاتشىسى قاتىسادى دەپ جوسپارلانۋدا.
مەملەكەت باسشىلارى ۇيىمنىڭ ورتا مەرزىمدى جانە ۇزاق مەرزىمدى پەرسپەكتيۆالارىنا قاتىستى ءبىرقاتار ماڭىزدى ماسەلەلەردى تالقىلايدى. بۇگىن، ءوز كەزەگىندە، قاتىسۋشى ەلدەردىڭ سىرتقى ىستەر مينيسترلەرىنىڭ كەڭەسى سامميت اياسىندا قول قويىلاتىن تۇپكىلىكتى كۇن ءتارتىبى مەن قۇجاتتاردى دايىندايدى.