قازاقستاندا "جەر-2025" اتتى رەسپۋبليكالىق كوماندالىق-شتابتىق وقۋ-جاتتىعۋ وتەدى، - دەپ حابارلايدى اqshamnews.kz ءتىلشىسى توتەنشە جاعدايلار مينيسترلىگىنە سىلتەمە جاساپ.
تجم مالىمەتىنشە، ءىس-شارا 2025 جىلعى 23-24 شىلدە ارالىعىندا ەلدىڭ سەيسميكالىق ءقاۋىپتى وڭىرلەرىندە وتەدى. ولار – الماتى، شىمكەنت قالالارى، اباي جانە جەتىسۋ، سونداي-اق الماتى، شىعىس قازاقستان، جامبىل، قىزىلوردا جانە تۇركىستان وبلىستارى.
رەسپۋبليكالىق وقۋ-جاتتىعۋ شتابى شىمكەنتتە ورنالاسقان.
بۇل وڭىرلەردە تۇرعىندار دابىل سيرەناسىن ەستيدى، سونىمەن قاتار ادامدار كوپ جينالاتىن نىسانداردا سەيسميكالىق جاتتىعۋلار وتكىزىلەدى.
وقۋ-جاتتىعۋ جويقىن جەر سىلكىنىسىنەن كەيىن تۋىندايتىن توتەنشە جاعدايدى جويۋعا ازاماتتىق قورعاۋ مەملەكەتتىك جۇيەسىنىڭ دايىندىق دەڭگەيىن ارتتىرۋ ماقساتىندا وتكىزىلەدى. ءىس-شاراعا رەسپۋبليكالىق، وڭىرلىك ازاماتتىق قورعاۋ قىزمەتتەرى مەن جەرگىلىكتى اتقارۋشى ورگاندار قاتىسادى، ولار جويقىن جەر سىلكىنىسى جاعدايىندا ارەكەت ەتۋ الگوريتمىن پىسىقتايدى.