بۇگىن سايلاۋ الدىنداعى «تىنىشتىق كۇنى».
«تىنىشتىق كۇنى»، سونداي-اق داۋىس بەرۋ كۇنى قوعامدىق پىكىرگە سۇراۋ سالۋ ناتيجەلەرىن، سايلاۋ ناتيجەسىنىڭ بولجامىن، سايلاۋعا بايلانىستى وزگە دە زەرتتەۋلەردى جاريالاۋعا تىيىم سالىنادى، دەپ حابارلايدى Almaty-akshamy.kz
وزبەكستان سايلاۋ كودەكسىنىڭ 103-بابىنا سايكەس، وسى ساتتەن باستاپ داۋىس بەرۋ اياقتالعانعا دەيىن بۇقارالىق اقپارات قۇرالدارىندا، تەلە-راديو حابارلارىن تاراتۋ ارنالارىندا سايلاۋالدى ۇگىت جۇرگىزۋگە تىيىم سالىنادى.
رەسپۋبليكانىڭ بارلىق ەلدى مەكەنىندە پرەزيدەنتتىككە كانديداتتاردىڭ سايلاۋالدى باعدارلامالارى جازىلعان جارنامالىق-ناسيحاتتىق باننەرلەر، ستريمەرلەر، پلاكاتتار مەن بيلبوردتار كەشە تۇندە الىنىپ تاستالدى.
«تىنىشتىق كۇنى» دەپ اتالاتىن كۇن سايلاۋشىلارعا سايلاۋ الدىنداعى ۇگىتتىڭ ىقپالىنا تۇسپەي، ءوز قالاۋىن دەربەس انىقتاۋعا جانە بەلگىلى ءبىر كانديداتقا داۋىس بەرۋ تۋرالى سانالى شەشىم قابىلداۋعا مۇمكىندىك بەرەدى.
بۇعان دەيىن وزبەكستان پرەزيدەنتى شاۆكات ميرزيويەۆتىڭ 2023 جىلدىڭ 9 شىلدەسىنە تاعايىندالعان مەملەكەت باسشىسىنىڭ مەرزىمىنەن بۇرىن سايلاۋى تۋرالى جاريالاعانى حابارلانعان بولاتىن.