الماتى قالاسىنىڭ كوشە-جول جەلىسىن ورتاشا جوندەۋ جوسپارى 2022 جىلدىڭ 4 توقسانىندا اۋدان اكىمدىكتەرى جانە تۇرعىنداردىڭ وتىنىشتەرى بويىنشا قالىپتاستى.
قالا بيۋدجەتىندە اعىمداعى جىلى ۇزىندىعى 200 كم 230 كوشەنى جوندەۋگە 20 ملرد تەڭگە قاراستىرىلعان. 2022 جىلى ۇزىندىعى 189 كم 210 كوشەگە 17،5 ملرد تەڭگە سومانى قۇرادى. بۇل ءۇشىن اۋداندارعا جالپى بيۋدجەتتەن 500 ملن تەڭگە ءبولىندى.
بۇل رەتتە ۇقساس جۇمىس تۇرلەرى مەن قۇرىلىس ماتەريالدارىنىڭ سمەتالىق قۇنى وتكەن جىلمەن سالىستىرعاندا ورتا ەسەپپەن 7-10%-عا ءوستى. مىسالى، ق ر اۋماعىندا قولدانىستاعى سمەتالىق باعالار جيناعىنا سايكەس 2022 جىلى 1 ت قيىرشىق تاس-ماستيكالىق اسفالتبەتوننىڭ قۇنى 18 781 تەڭگەنى، 2023 جىلى 21 002 تەڭگەنى (+11%)، 2022 جىلى 1 ت جول بيتۋمىنىڭ قۇنى 168 642 تەڭگەنى، 2023 جىلى 175 315 تەڭگەنى (+4%) قۇرادى)، اۋىر بەتوننىڭ قۇنى 2022 جىلى 20227 تەڭگە، 2023 جىلى - 21863 تەڭگە (+8%)، جول جۇمىسشىلارىنىڭ جالاقىسى ساناتىنا بايلانىستى ورتاشا ەسەپپەن 2022 جىلى ءبىر ادامعا 1648 تەڭگە، 2023 جىلى - ءبىر ادامعا 2063 تەڭگە (+20%) قۇرادى.
جالپى، اعىمداعى جوندەۋ جولداردىڭ جاقسى جانە قاناعاتتانارلىق جاعدايداعى ۇلەسىن اعىمداعى 86%-دان 89%-عا دەيىن ۇلعايتۋعا مۇمكىندىك بەرەدى.