باعدارلاما 8 جىلعا ارنالعان.
مامىر ايىندا دەمالىس كۇندەرى كوپ بولاتىندىقتان، وتباسى بانكى ءوتىنىم قابىلداۋدى بەس كۇن بۇرىن باستاۋ تۋرالى شەشىم قابىلداپ وتىر، دەپ حابارلايدى Almaty-akshamy.kz
مىنا جاعدايلارعا ءمان بەرىڭىز:
- وتباسى بانكىندە دەپوزيت بولۋ كەرەك، جوق بولسا – اشىڭىز. سەبەبى، بۇل باعدارلامانىڭ ەرەكشەلىگى سول – دەپوزيت مەرزىمى ەسكەرىلمەيدى، ياعني، ماڭىزدى ەمەس.
- جيناق شوتىڭىزدا كەمىندە 1 ملن تەڭگە جاتۋى كەرەك. بۇل سومانى ءوتىنىش بەرەر الدىندا دا شوتقا اۋدارا سالۋعا بولادى.
- سوڭعى 5 جىل ىشىندە باعدارلاماعا قاتىسۋشىنىڭ جانە ونىڭ وتباسى مۇشەلەرىنىڭ مەنشىگىندە ءۇي بولماۋى كەرەك.
وتباسى مۇشەلەرىنە: كۇيەۋى، ايەلى جانە ولاردىڭ كامەلەتكە تولماعان بالالارى جاتادى. ەگەر قاتىسۋشى نەكەدە بولماسا، وندا اتىندا ءۇيدىڭ بار-جوعى تەك ءوز باسىنا تەكسەرىلەدى. باعدارلاماعا قاتىسۋشىنىڭ اتا-اناسىنان ول اقپارات تەكسەرىلمەيدى.
- سوڭعى 6 ايدا رەسمي تابىسىڭ بولۋى كەرەك.
25 ساۋىردە ءوتىنىمدى otbasybank.kz پورتالىندا تاپسىراسىز. قابىلداۋ مەرزىمى ەكى اي، ياعني 30 ماۋسىمعا دەيىن (قوسا العاندا) جالعاسادى.
باعدارلامانىڭ شارتتارى:
العاشقى جارنا – 20%-دان باستالادى؛
تۇرعىن ءۇي كەزەگىندە تۇرعان ازاماتتاردىڭ الەۋمەتتىك وسال ساناتتارى ءۇشىن كرەديت ستاۆكاسى – 7% (جتسم 7،3%-دان 8،9%-عا دەيىن)؛
ازاماتتاردىڭ بارلىق ساناتى ءۇشىن كرەديت ستاۆكاسى – 9% (جتسم 9،3%-دان 11،8%-عا دەيىن)؛
نەسيە مەرزىمى – 19 جىلعا دەيىن.
باعدارلاما 8 جىلعا ارنالعان. وسى ۋاقىت ارالىعىندا ەلىمىزدىڭ 68 000 ازاماتىن باسپانامەن قامتاماسىز ەتۋ جوسپارلانعان. بيىلعى مەجە بويىنشا، 12 مىڭ قازاقستاندىق ءۇيلى بولۋى كەرەك.