قازاقستان رەسپۋبليكاسى ءبىلىم جانە عىلىم ءمينيسترىنىڭ 2014 جىلعى 26 جەلتوقسانداعى №544 بۇيرىعىن جۇزەگە اسىرۋ ماقساتىندا الماتىدا «ورتا ءبىلىم بەرەتىن ۇزدىك ۇيىم» گرانتىن تاعايىنداۋ كونكۋرسى باستالدى.
اۋداندىق جانە قالالىق كەزەڭدەردەن تۇراتىن بۇل كونكۋرس 2024 جىلعى 31 مامىرعا دەيىن وتەدى، دەپ حابارلايدى Almaty-akshamy.kz.
كونكۋرستىڭ ماقساتى – ءتيىمدى پەداگوگيكالىق جانە باسقارۋشىلىق تاجىريبەنى جيناقتاۋ جانە تاراتۋ، قر-دا ورتا ءبىلىم بەرۋ جۇيەسىنىڭ دامۋ تەندەنسيالارىن انىقتاۋ، مەكتەپ پەداگوگتەرى مەن باسشىلارىنىڭ كاسىبي جانە جەكە ءوسۋىن ىنتالاندىرۋ.
قازاقستاندىق ءبىلىم بەرۋدىڭ باسەكەگە قابىلەتتىلىگىن قامتاماسىز ەتۋ جانە جوعارى رەيتينگتىك كورسەتكىشتەرگە قول جەتكىزۋ ءۇشىن كونكۋرسقا قاتىسۋشىلاردى ىرىكتەۋدى الماتى قالاسى اكىمىنىڭ وكىمىمەن بەكىتىلگەن كونكۋرستىق كوميسسيا جۇزەگە اسىرادى.
كونكۋرس قورىتىندىسى ەل پەداگوگتەرىنىڭ مەرەكەسى مۇعالىمدەر كۇنى سالتاناتىندا حابارلانادى. كونكۋرس گرانتىنىڭ مولشەرى - 68 ملن تەڭگە.