ەرتەڭ ماگيستراتۋراعا قۇجات قابىلداۋ باستالادى

ءبىلىم جانە عىلىم مينيسترلىگى ەندى ۇمىتكەرلەر جىلىنا ەكى رەت ماگيستراتۋرا مەن دوكتورانتۋراعا قۇجاتتار تاپسىرا الادى دەگەن شەشىم قابىلداعان بولاتىن.

وتىنىمدەر جوعارى وقۋ ورىندارىنىڭ ۆيرتۋالدى قابىلداۋ كوميسسيالارى ارقىلى قابىلدانادى، دەپ حابارلايدى Almaty-akshamy.kz ق ر بعم باسپا ءسوز قىزمەتىنە سىلتەمە جاساپ.

ماگيستراتۋراعا ءبىلىم بەرۋ گرانتتارىن تاعايىنداۋ كونكۋرسىنا قاتىسۋ ءۇشىن قۇجاتتاردى قابىلداۋ 10 جەلتوقساندا باستالىپ، 14 جەلتوقسانعا دەيىن جالعاسادى.

«وسىلايشا، قانداي دا ءبىر سەبەپتەرگە بايلانىستى العاشقى قابىلداۋ ناۋقانىندا ءوتىنىش بەرۋگە مۇمكىندىگى بولماعان قازاقستاندىقتار كەشەندى تەستىلەۋ تاپسىرۋعا جانە ماگيستراتۋراعا تۇسۋگە تاعى ءبىر مۇمكىندىك الدى. تەستتى ءساتتى تاپسىرعان ۇمىتكەرلەر جازعى قابىلداۋ ناتيجەلەرى بويىنشا تاعايىندالماعان گرانتتاردى جەڭىپ الا الادى. ەستەرىڭىزگە سالا كەتەيىن، ماگيستراتۋرادا وقۋعا ارنالعان ءبىلىم بەرۋ گرانتتارى كەشەندى تەستىلەۋ ناتيجەلەرىنە سايكەس كونكۋرستىق نەگىزدە بەرىلەدى»، – دەپ اتاپ ءوتتى ق ر بعم جوعارى جانە جوعارى وقۋ ورنىنان كەيىنگى ءبىلىم دەپارتامەنتىنىڭ ديرەكتورى ادىلەت تويبايەۆ.

مەملەكەتتىك ءبىلىم بەرۋ تاپسىرىسى بويىنشا جانە اقىلى نەگىزدە عىلىمي-پەداگوگيكالىق ماگيستراتۋراعا ءتۇسۋ ءۇشىن شەكتى بالل – 75، بەيىندى ماگيستراتۋراعا ءتۇسۋ ءۇشىن - 50 بالدى قۇرايدى.

قۇجاتتاردى تاپسىرۋ كەزىندە وقۋعا تۇسۋشىلەر ءبىلىم بەرۋ باعدارلامالارىنىڭ ءبىر توبىن جانە ءۇش جوعارى وقۋ ورنىن كورسەتەدى. ماگيستراتۋراعا ءبىلىم بەرۋ گرانتىن تاعايىنداۋ كونكۋرسى بيىل 15-22 جەلتوقسان ارالىعىندا، وقۋعا قابىلداۋ 2021 جىلعى 26 جەلتوقسان مەن 2022 جىلعى 10 قاڭتار ارالىعىندا وتەدى.