وسىلايشا ەڭ ۇزدىك ۇشقىشتار ەكيپاجدارى «مەنىڭ تۋىم – مەنىڭ وتانىم» اكسياسىنا قاتىستى.
قازاقستان رەسپۋبليكاسى تاۋەلسىزدىگىنىڭ 30 جىلدىعىنا وراي اسكەري-اۋە كۇشتەرى ارميا اۆياسياسىنىڭ جاۋىنگەرلىك تىكۇشاقتارى كوك اسپاندا تاۋەلسىز ەلىمىزدىڭ سيمۆولى – مەملەكەتتىك تۋدى قالىقتاتىپ الىپ ۇشتى، دەپ حابارلايدى Almaty-akshamy.kz ق ر قورعانىس مينيسترلىگىنىڭ باسپا ءسوز قىزمەتىنە سىلتەمە جاساپ.
ۇشقىش-مەرگەندەر – ااك ارميا اۆياسياسىنىڭ باستىعى، پولكوۆنيك نۇرلان بايدۋللايەۆ، اۆياسيا بازاسىنىڭ كومانديرى، پولكوۆنيك ماقسۇتبەك ادىلبايەۆ مي-171ش تىكۇشاعىمەن ەلوردا اسپانىندا قازاقستاننىڭ مەملەكەتتىك تۋىن قالىقتاتىپ الىپ ۇشتى. بۇل كورىنىستى ورىنداۋدا ولارمەن تاجىريبەلى ۇشقىشتار مەن شتۋرماندار باسقارعان مي-17 بۇرامالى قاناتتى تىكۇشاقتار اۋەدە ىلەسىپ ۇشتى.
اكسياعا قاتىسۋعا ىرىكتەلگەن اسكەري ۇشقىشتار – اسكەري پارادتاردىڭ، «كADEX» قارۋ-جاراق پەن اسكەري-تەحنيكالىق مۇلىك حالىقارالىق كورمەسىنە قاتىسقاندار. ولاردىڭ شەبەرلىگىنىڭ ارقاسىندا جۇزدەگەن وقۋ-جاۋىنگەرلىك تاپسىرمالار ءساتتى ورىندالىپ، رەسپۋبليكالىق جانە حالىقارالىق وقۋ-جاتتىعۋلار، سونداي-اق بايقاۋلار مەن جارىستاردا ۇزدىك ناتيجەلەرگە قول جەتكىزىلدى.
«تۋ – ءار مەملەكەتتىڭ باستى سيمۆولدارىنىڭ ءبىرى، ەلدىڭ ەگەمەندىگى مەن ءبىرتۇتاستىعىنىڭ بەلگىسى. قازاقستان حالقى ءۇشىن ماڭىزدى كۇندى مەرەكەلەۋ قارساڭىندا وقۋ-جاتتىعۋ ۇشۋلارىن ورىنداۋ ارقىلى اكسياعا قاتىسۋدى ءجون كوردىك»، – دەدى اسكەري-اۋە كۇشتەرىنىڭ قولباسشىسى، پولكوۆنيك نۇربولات توپايەۆ.
اۋە قورعانىسى كۇشتەرى قازاقستاننىڭ اۋە كەڭىستىگىنىڭ قاۋىپسىزدىگىن كۇزەتۋدە. اۆياسيا پاركى جىل سايىن تەحنيكا مەن قارۋ-جاراقتىڭ زاماناۋي ۇلگىلەرىمەن تولىقتىرىلىپ وتىر. كاسىبي شەبەرلىكتىكتەرىن شىڭداۋ ءۇشىن جەكە قۇرامعا قولايلى جاعدايلار جاسالۋدا.