بۇگىن «ۇنسىزدىك كۇنى».
وسى جازدىڭ ماڭىزدى ساياسي وقيعاسى شىلدەنىڭ 25-ىنە بەلگىلەندى. بۇل كۇنى بۇقارا 730 اۋىل اكىمىنە داۋىس بەرەدى، دەپ حابارلايدى Almaty-akshamy.kz 24.kz سايتىنا سىلتەمە جاساپ.
«بۇل – پرەزيدەنت قاسىم-جومارت توقايەۆ قابىلداعان ماڭىزدى قادامداردىڭ ءبىرى. ويتكەنى رەفورما جەرگىلىكتى باسقارۋ جۇيەسىنە قاتىستى كوزقاراستى تۇبەگەيلى وزگەرتەدى. ياعني اۋىل تۇرعىندارى وزدەرىنىڭ كوڭىلىنەن شىعاتىن جانە الەۋمەتتىك تالاپتارىن ورىنداي الاتىن اكىمىن تاڭدايدى. سوڭعىلارى دا جەرگىلىكتى حالىقتىڭ قولداۋىنا يە بولسا، وزىنەن جوعارى تۇرعان اۋدان باسشىسى الدىندا دا بەلگىلى ءبىر ساياسي سالماققا يە بولا الادى»، – دەيدى قۇقىق قورعاۋشى شىڭعىس لەپسىبايەۆ.
اۋىل اكىمدەرىنىڭ وكىلەتتىك مەرزىمى وزگەرگەن جوق. ولار بۇرىنعىسىنشا 4 جىلعا سايلانادى. ەسكەرتە كەتەيىك، بۇرىن اۋىل، ەلدى مەكەن نەمەسە اۋدان اكىمدەرىنە كانديداتتى قالا باسشىسى ۇسىناتىن. ءسويتىپ، جەرگىلىكتى ءماسليحات دەپۋتتارى داۋىس بەرىپ سايلايتىن ەدى.