ەكپە الۋ ارقىلى كوروناۆيرۋستىڭ مۋتاسياسىنا كەدەرگى كەلتىرۋگە بولادى.
قازاقستاننىڭ پروفيلاكتيكالىق مەديسينا اكادەمياسىنىڭ پرەزيدەنتى الماز شارمان ۆاكسينا الماعان ازاماتتار مەن انتيۆاكسەرلەردىڭ جاعدايىن ءجۇزىپ كەلە جاتقان كەمەگە ءقاۋىپ توندىرەتىن ايسبەرگپەن سالىستىردى، دەپ حابارلايدى Almaty-akhamy.kz.
«مەن ادەتتە وسى اللەگوريانى كەلتىرەمىن: ءبىز ءبارىمىز كەمەدە ءجۇزىپ ءجۇرمىز جانە ىندەت كەزەڭى جوق، بەتپەردە تاعۋعا بولمايتىن ارالدامىز. بۇل كەمەنىڭ جولىندا كەنەتتەن ۇلكەن ايسبەرگ توسقاۋىل بولادى جانە ءبىز وعان قاراي بەت الدىق. ايسبەرگ دەرتىن جۇقتىرعان – بۇل ۆاكسينا الماعانداردىڭ ءبارى. ايسبەرگكە تاپ بولماس ءۇشىن ءبىز كەمەنى توقتاتۋ ءۇشىن بار كۇشىمىزدى سالامىز. ول ءۇشىن ءبىز بەتپەردە تاعىپ، كارانتين جاريالايمىز. ينفەكسيانىڭ الدىن الۋدىڭ جالعىز جولى – ايسبەرگتى ەرىتەتىن ەكپە سالدىرۋ. ال مۇنى تەك ۆاكسينا ارقىلى عانا جاساۋعا بولادى»، – دەدى الماز شارمان وڭىرلىك كوممۋنيكاسيالار قىزمەتىندە وتكەن بريفينگتە.
عالىمنىڭ ايتۋىنشا، ۆاكسينا الماعان قازاقستاندىقتاردىڭ 80%-دان استامى ءوز دەنساۋلىعىنا جانە جاقىندارىنىڭ، اسىرەسە، قارت ادامداردىڭ دەنساۋلىعىنا ءقاۋىپ توندىرەدى.
«ءدال ءقازىر ەكى كومپونەنتتى ۆاكسينا الۋ وتە ماڭىزدى. كوروناۆيرۋستى ەمدەۋدىڭ باسقا جولى جوق. ەمدەۋ تىنىس الۋ جولدارىنان تۇرادى. ەسكە سالساق، ەشكىم ناۋقاستىڭ رەانيماسياعا، وكپەنى جاساندى جەلدەتۋ اپپاراتىنا تۇسپەيتىنىنە كەپىلدىك بەرمەيدى»، – دەدى الماز شارمان.
قازاقستاندىق ۆيرۋسولوگ عالىم الماتى تۇرعىندارى ەكپە الۋ ارقىلى كوروناۆيرۋستىڭ مۋتاسياسىنا كەدەرگى كەلتىرۋى مۇمكىن ەكەنىن ايتتى. ول ۆيرۋس ۆاكسينالانباعان ادامداردىڭ دەنەسىندە عانا وزگەرەتىنىن ءتۇسىندىردى.