الماتىدا تاڭعى 9.30-دان باستاپ ۆەلوجارىس وتەدى.
10 قازان، جەكسەنبى كۇنى الماتىدا «Tour of Kazakhstan. Almaty 2021» اۋەسقوي ۆەلوجارىسىنىڭ ەكىنشى كەزەڭى وتەدى، دەپ حابارلايدى Almaty-akshamy.kz Ktk.kz-كە سىلتەمە جاساپ.
وسىعان بايلانىستى «مەدەۋ» مۇز ايدىنىنا اپاراتىن اۆتوجول ءىشىنارا جابىلادى. قازاقستان ۆەلوسپورتى فەدەراسياسى مالىمدەگەندەي، ۆەلوجارىس تاڭعى 9.30-دا «Royal Tulip» ءقوناقۇيىنىڭ جانىندا باستالادى. جارىستىڭ مارەسى ساعات 11.00-دە «مەدەۋ» مۇز ايدىنىندا وتەدى دەپ جوسپارلاندى.
وسىعان بايلانىستى قالانىڭ دوستىق داڭعىلى مەن وسپانوۆ كوشەسىنىڭ قيىلىسىنان «مەدەۋ» مۇز ايدىنىنا دەيىنگى اۆتوجول ارالىعى تاڭعى 9.30-دان 11.00-گە دەيىن جابىلادى. فەدەراسيا وكىلدەرى قالا تۇرعىندارىنان بۇل كۇنى كولىكپەن ءجۇرۋ مارشرۋتتارىن الدىن الا جوسپارلاپ الۋدى ەسكەرتتى.