67 كەلىگە دەيىنگى سالماقتا سىنعا تۇسكەن المات كەبىسپايەۆ شيرەك فينالدا.
نورۆەگيانىڭ وسلو قالاسىندا ءوتىپ جاتقان الەم چەمپيوناتىندا گرەك-ريم كۇرەسىنەن قازاقستان كومانداسىنىڭ كاپيتانى المات كەبىسپايەۆ جارتىلاي فينالعا شىقتى دەپ حابارلايدى، Almaty-akshamy.kz Olympic.kz-كە سىلتەمە جاساپ.
67 كەلىگە دەيىنگى سالماقتا سىنعا تۇسكەن المات كەبىسپايەۆ شيرەك فينالدا كىلەم قوجايىنى، 2020 جىلعى ەۋروپا چەمپيونى مورتەن تورەسەنمەن كەزدەسكەن بولاتىن.
تارتىستى بەلدەسۋدىڭ ءبىرىنشى كەزەڭىندە المات قارسىلاسىنا 0:5 ەسەبىمەن جول بەردى. ەكىنشى كەزەڭدە ءساتتى ءادىس جاساپ، ءتورتتاعان كەزىندە ماڭىزدى ۇپاي يەلەنىپ، 9:6 ەسەبىمەن جەڭىسكە جەتتى.
جارتىلاي فينالدا المات كەبىسپايەۆ رەسەيلىك نازير ابدۋللايەۆپەن بەلدەسەدى.