دۇيسەنوۆا ايەلدەردىڭ زەينەت جاسىن تومەندەتۋگە قاتىستى پىكىرىن ايتتى.
ۆيسە-پرەمەر زاڭنامادا ايەلدەر ءۇشىن زەينەتكە شىعۋ جاسى كوزدەلگەنىن اتاپ ءوتتى، دەپ حابارلايدى Almaty-akshamy.kz
پرەمەر-مينيستردىڭ ورىنباسارى ايەلدەردىڭ زەينەتكەرلىك جاسىن 55 جاسقا دەيىن تومەندەتۋ تۋرالى پەتيسياعا پىكىر ءبىلدىردى.
"ايەلدەر ءۇشىن زەينەتكە شىعۋ 61 جاستان باستالادى. ەگەر مۇنداي پەتيسيا تۇسسە، ارينە، بەلگىلەنگەن تارتىپپەن قاراستىرامىز. ءبىراق بۇگىندە ءبىز زەينەتاقىلاردىڭ باسىم بولىگىن مەملەكەتتەن ەمەس، ءوزىمىز قالىپتاستىرعان زەينەتاقى اكتيۆتەرىمىزدەن الاتىنىمىزدى ەسكەرۋ قاجەت. سوندىقتان، ەگەر ءبىز 55-تە شىعاتىن بولساق، زەينەتاقى مولشەرى دە ازاياتىنىن ءتۇسىنۋىمىز كەرەك"، - دەءدى ول.
بۇل رەتتە ول زاڭنامادا زەينەتاقىعا ەرتە شىعۋدى كوزدەيتىن نورمالار بار ەكەنىن اتاپ ءوتتى. زەينەتاقى جيناقتارىنا بايلانىستى 53 نەمەسە 55 جاستا زەينەتكە شىعۋعا بولادى.
"ەگەر ءبىز حالىقارالىق تاجىريبەدەن كورىپ وتىرعان ەسەپتەۋلەرگە سۇيەنسەك، ەگەر ادام 35 جىل بويى تۇراقتى تۇردە جۇمىس ىستەسە، وندا ونىڭ زەينەتاقىسى زەينەتاقى قورىنىڭ وزىنەن كەمىندە 60 پايىزدى قۇرايدى. ءبىز: "ەرتەرەك شىعايىق" دەگەندە، زەينەتاقىنى مەملەكەت تولەيدى دەپ ويلايمىز. الايدا، مەملەكەت بۇگىندە زەينەتاقى جۇيەسىنە قاتىسۋىنا بايلانىستى، اۋدارىمدارىنا قاراماستان، بازالىق زەينەتاقى كولەمىن عانا تولەيدى"، - دەءدى دۇيسەنوۆا.