بايگەگە 81 جىلقى قاتىسادى.
2024 جىلدىڭ 29 ماۋسىمىندا Qazaq Jockey Club ۇلتتىق سپورت قاۋىمداستىعىنىڭ قولداۋىمەن جۇلدە قورى 11 ملن 900 مىڭ تەڭگە بولاتىن كلاسسيكالىق ۇشقىر بايگە وتكىزىلەدى، دەپ حابارلايدى Almaty-akshamy.kz
قاتىسۋشىلار قاشىقتىققا بايلانىستى بايگەنىڭ 10 ءتۇرى بويىنشا جۇلدەلەردى ساراپقا سالادى. ال باستى بايگە – Keeneland Kazakhstan Oaks جۇلدەسى، ياعني 2400 مەتر قاشىقتىققا جارىساتىن ءۇش جاسار اسىل تۇقىمدى بايتالدار اراسىندا بولماق. ات جارىستىڭ بۇل ءتۇرى قازاقستاندا 1974 جىلدان بەرى ۇيىمداستىرىلىپ كەلەدى.
بايگەگە 81 جىلقى قاتىسادى. ال كورەرمەن قاۋىم ءۇشىن ەڭ قىزىقتى سايىستار ۇلكەن جاستاعى اتتار اراسىنداعى، 2400 مەتر قاشىقتىق بويىنشا «ەليتا» جۇلدەسى، سونداي-اق «التىن ميل»، «اراگون»، «وتان» جۇلدەلەرى بولماق.
بايگە جارتىلاي تازا قاندى جىلقىلارعا شاباتىن ءجاسوسپىرىم شاباندوزداردىڭ ات جارىسىنان باستالادى. سايىستىڭ بۇل ءتۇرى جاس جوكەيلەردىڭ شەبەرلىگىن شىڭداي ماقساتىندا ۇيىمداستىرىلىپ وتىر.
سونىمەن قاتار ات جارىس بيلەتتەرى ارقىلى BYD ەلەكتروموبيلى جانە ءتۇرلى سمارتفونداردىڭ ۇتىسىنا قاتىسۋعا بولادى.
بيلەتتەردى https://ticketon.kz/ سايتىنان الا الاسىزدار. باعاسى – 3000 تەڭگە.
يپپودروم مەكەن-جايى: الماتى قالاسى، «قۇلاگەر» شاعىن اۋدانى، وماروۆ ك-سى، 10 «ا»
بايگەنىڭ باستالۋ ۋاقىتى: 2024 جىلعى 29 ماۋسىم، ساعات 15:00