تاماقتانۋ جانە ۇزاق ءومىر ءسۇرۋ سالاسىنىڭ مامانى مەلاني مەرفي ريحتەردىڭ ايتۋىنشا، ۇيقى - قارتايۋ ۇدەرىسىن باياۋلاتىپ، دەنساۋلىقتى ساقتاۋدىڭ نەگىزگى تەتىگى، دەپ حابارلايدى اqshamnews.kz.
ماماننىڭ پىكىرىنشە، ماڭىزدىسى تەك ۇيقىنىڭ ۇزاقتىعى عانا ەمەس، سونىمەن قاتار ۇيىقتايتىن ناقتى ۋاقىت تا ۇلكەن ءرول اتقارادى.
"ۇيىقتاۋعا ەڭ قولايلى ۋاقىت - ساعات 22:00 مەن تۇنگى 00:00 ارالىعى. ال ويانۋ - كۇننىڭ العاشقى ساۋلەلەرىمەن بىرگە بولعانى دۇرىس"، - دەيدى ريحتەر.
بۇل رەجيمدى ساقتاۋ گورموندىق تەپە-تەڭدىكتى رەتتەپ، سيركادتىق ىرعاقتى قولدايدى، سونداي-اق جاسۋشالاردىڭ قالپىنا كەلۋىن جەدەلدەتەدى. ال بۇل - قارتايۋدى باياۋلاتۋعا تىكەلەي اسەر ەتەتىن ۇدەرىستەر.
اركىمنىڭ بيولوگيالىق ىرعاعى ءارتۇرلى
دەگەنمەن مامان بارلىق ادامعا بىردەي ورتاق ۇيقى ۋاقىتى بولمايتىنىن اتاپ ءوتتى. ەڭ باستىسى - اعزانىڭ تابيعي بيولوگيالىق ىرعاعىنا سايكەس جەكە ۇيقى ءتارتىبىن قالىپتاستىرىپ، ونى كۇن سايىن قاتاڭ ساقتاۋ.
سونىمەن قاتار، ۇيقى رەجيمىنىڭ كۇرت بۇزىلۋىنان ساقتانۋ قاجەت. مىسالى، دەمالىس كۇندەرى "ۇيقىنى تولتىرۋ" ادەتى اعزانىڭ تابيعي ىرعاعىن بۇزۋى مۇمكىن.