ءماجىلىس دەپۋتاتى ەرمۇرات باپي گەرمانياداعى «شاريتە» كلينيكاسىندا ەم الۋ ءۇشىن شاقىرتۋ العانىن راستادى. شىلدە-تامىز ايلارىندا ول دەنساۋلىعىنا بايلانىستى جانە ۋلانۋ بولجامىنا قاتىستى گەرمانيادا دياگنوستيكادان وتكەن، دەپ حابارلايدى aqshamnews.kz
باپي ءوزىنىڭ دياگنوزىن العانىن ساياساتكەر جانە كاسىپكەر بولات ابىلوۆپەن وتكىزگەن تىكەلەي ەفيردە ايتىپ بەردى. دەپۋتات «شاريتە» كلينيكاسىندا ەم الۋ ءۇشىن شاقىرتۋ العانىن، ءبىراق قانداي اۋرۋدىڭ دياگنوزى قويىلعانىن ناقتىلاماعانىن ايتتى. سونىمەن قاتار، ونىڭ دەنساۋلىعىنىڭ جاقسارعانىن اتاپ ءوتتى.
«دەنساۋلىعىم ازىرگە جاقسى. گەرمانيادا دياگنوز قويىلدى، ەندى ەمدەلۋ كەرەك بولادى. جوسپارىم — الدىمەن ەمدەلۋ. ەكىنشىدەن، ساياسي ماۋسىم باستالادى»، — دەپ قىسقاشا ءتۇسىندىردى ەرمۇرات باپي.
دەپۋتات ونىڭ اعزاسىندا قانداي دا ءبىر ۋلاندىرۋشى زاتتاردىڭ ىزدەرى تابىلدى ما دەگەن سۇراققا تەرىس جاۋاپ بەردى.
«ايتپەسە، مەن ءقازىر سىزدەردىڭ الدارىڭىزدا وتىرماس ەدىم»، — دەپ ازىلدەدى دەپۋتات.