قازاقستان رەسپۋبليكاسى ىشكى ىستەر ورگاندارىنىڭ جەكە قۇرامى جانە ءوز اتىمنان جامبىل وبلىسى بايزاق اۋدانىندا ورىن العان اسكەري قويماداعى ءورت كەزىندە قازا تاپقان اسكەري قىزمەتشىلەر مەن قۇتقارۋشىلاردىڭ وتباسى، تۋعان-تۋىستارى مەن جاقىندارىنا قايعىرىپ كوڭىل ايتامىن.
قاتارداعى ساربازدار مەن توتەنشە جاعداي قىزمەتكەرلەرى بىزگە جات ەمەس. ولار باسىن بايگەگە تىگىپ، ادامداردى قۇتقارادى. تاۋەكەلگە بەل بايلاپ، ءتىلسىز جاۋمەن كۇرەسەدى.
كۇنى كەشە ورىن العان قايعىلى وقيعا بارشا قازاقستاندىقتاردىڭ قابىرعاسىن قايىستىردى. قايسار قىزمەتكەرلەر قاراپايىم ازاماتتارعا قورعان بولام دەپ قاپىدا قىرشىن كەتتى.
تۇرعىنداردىڭ قاۋىپسىزدىگى ءۇشىن وجەتتىك تانىتىپ، ءومىرىن قيعان ەسىل ەرلەردىڭ ەسىمى ماڭگى جۇرەگىمىزدە. باتىرلاردىڭ بەينەسى كەلەر ۇرپاققا ۇلگى بولىپ، ەسىمدەرى ەشقاشان ۇمىتىلمايدى.