مەملەكەتتىك كەڭەسشى جۇڭگو مەدياكورپوراسياسىنىڭ باس ديرەكتورى شەن حايسيۋن باستاعان دەلەگاسيا وكىلدەرىمەن كەزدەستى.
ەرلان قارين پرەزيدەنت قاسىم-جومارت توقايەۆتىڭ باستاماسىمەن جۇزەگە اسىرىلىپ جاتقان الەۋەتتىك-ەكونوميكالىق، ساياسي جانە مادەني-گۋمانيتارلىق رەفورمالاردىڭ مازمۇنى مەن ءمان-ماڭىزى تۋرالى ايتتى، دەپ حابارلايدى اlmaty-akshamy.kz.
مەملەكەتتىك كەڭەسشى قازاقستاننىڭ قىتايداعى تۋريزم جىلىنىڭ ماڭىزدىلىعىنا توقتالدى. تۋريزم جىلى اياسىندا قولعا الىنعان ءىس-شارالار تۋرالى جان-جاقتى اقپارات تاراتقانى ءۇشىن شەن حايسيۋنگە ريزاشىلىق ءبىلدىرىپ، CCTV-4 جانە CGTN تەلەارنالارىنداعى ءبىرقاتار جوبانى اتاپ ءوتتى. شەن حايسيۋن قوناقجايلىق كورسەتكەنى ءۇشىن العىس ايتىپ، شانحاي ىنتىماقتاستىق ۇيىمى ءسامميتىنىڭ جانە قحر ءتوراعاسى سي ءسزينپيننىڭ مەملەكەتتىك ساپارىنىڭ جوعارى دەڭگەيدە ۇيىمداستىرىلعانىنا نازار اۋداردى. كەزدەسۋ بارىسىندا تاراپتار كوپتەگەن ماسەلەنى تالقىلاپ، ەكىجاقتى ديالوگتى ءوزارا تۇسىنىستىك پەن ىنتىماقتاستىق رۋحىندا جالعاستىرۋعا ۋاعدالاستى.