ق ر مەملەكەتتىك حاتشىسى ەرلان قارين احمەت بايتۇرسىن ۇلىنىڭ 150 جىلدىعىنا ارنالعان حالىقارالىق عىلىمي-پراكتيكالىق كونفەرەنسيادا الاش ءداۋىرى مەن بۇگىنگى تاۋەلسىز قازاقستان كەزەڭىنە ورتاق ۇلتتىق مۇددەنىڭ نە ەكەنىن ايتتى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
«ەل بۇگىنشىل، مەنىكى ەرتەڭ ءۇشىن» دەمەيتىن بە ەدى احاڭنىڭ ءوزى؟ سول احاڭ ءدال جەتكىزىپ ايتقان ەرتەڭدە ءومىر ءسۇرىپ جاتقان جانە ونى بولاشاققا جالعايتىن ۇرپاقپىز. حالقىمىز الدىڭعى بۋىننىڭ ازاتتىق جولىنداعى كۇرەسىنەن ءتالىم الا بىلۋگە ءتيىس. وتكەن عاسىردىڭ باسى ەلىمىزدىڭ ازاتتىق جولىنداعى كۇرەس كەزەڭى عانا ەمەس، اۋقىمدى اعارتۋشىلىق ءداۋىرى رەتىندە تاريحقا ەندى. باستاۋىندا شوقان، ىبىراي، اباي تۇرعان اعارتۋشىلىق يدەيالار احاڭداردىڭ تۇسىندا جاڭاشا ورىستەدى. ءسويتىپ، بۇل كەزەڭ قازاقتىڭ جاڭعىرۋ كەزەڭى بولدى»، - دەدى ەرلان قارين.
ونىڭ ايتۋىنشا، ۇلتتىق جاڭعىرۋ كەزەڭى جاسامپاز تۇلعالاردى تۋدىرادى.
«دۇنيە ءجۇزىنىڭ تاريحىنا زەر سالساق، حالىقتار مەن مەملەكەتتەر رەفورماتور تۇلعالاردىڭ ارقاسىندا دامۋدىڭ جاڭا بەلەستەرىنە كوتەرىلگەن. احاڭ - قازاق ءۇشىن وسىنداي تۇلعا. احمەت بايتۇرسىن ۇلى ءومىر سۇرگەن ءداۋىر مەن قازىرگى تاۋەلسىزدىك زامانىن بايلانىستىراتىن ورتاق مۇددە – ۇلتتىق بولمىستى ساقتاي وتىرىپ، وركەنيەتتى ەل بولۋ. ۇلت ۇستازى قاي زاماندا دا حالقىمىزدىڭ ۇلى كوسەمى بولىپ قالا بەرەدى»، - دەدى مەملەكەتتىك حاتشى.