ەرلان قارين اتوم ەلەكتر ستانسياسىن سالۋ ماسەلەسىنە قاتىستى الداعى رەفەرەندۋمنىڭ ماڭىزدىلىعى تۋرالى ايتتى
مەملەكەتتىك كەڭەسشى ەرلان قارين قوستاناي قالاسىندا وبلىس اكىمى قۇمار اقساقالوۆتىڭ، وڭىردەگى قالالار مەن اۋدان اكىمدەرىنىڭ، مەملەكەتتىك ورگاندار جەتەكشىلەرىنىڭ قاتىسۋىمەن ىشكى ساياسات ماسەلەلەرىنە قاتىستى ايماقتىق كەڭەس وتكىزدى.
جيىندا مەملەكەت باسشىسىنىڭ جولداۋىندا بەلگىلەنگەن مىندەتتەردى جۇزەگە اسىرۋ جولدارى، ىشكى ساياسات باعىتىنداعى جۇمىس بارىسى، ەتنوسارالىق جانە كونفەسسياارالىق كەلىسىمدى نىعايتۋ، ونوماستيكا، اقپارات سالاسى جانە جاستار ساياساتى ماسەلەلەرى تالقىلاندى.
مەملەكەتتىك كەڭەسشى وبلىستاعى ءبىرقاتار مەكتەپ ديرەكتورلارىمەن كەزدەسىپ، «ءبىرتۇتاس تاربيە» اتتى جاڭا باعدارلامانى جۇزەگە اسىرۋ ماسەلەسىنە قاتىستى پىكىر الماستى.
سونداي-اق، ەرلان قارين ق ر پرەزيدەنتى جانىنداعى جاستار ساياساتى جونىندەگى كەڭەستىڭ كوشپەلى وتىرىسىن وتكىزدى. كەڭەس مۇشەلەرى جاستاردى جۇمىسپەن قامتۋ جانە جۇمىسشى ماماندىقتاردىڭ مارتەبەسىن كوتەرۋ ماسەلەلەرىن تالقىلادى. بۇل باسقوسۋ ايماقتاعى ەڭ ءىرى ءوندىرىس ورتالىعى سانالاتىن «Allur» زاۋىتىنىڭ الاڭىندا ءوتتى. وعان وسى كاسىپورىننىڭ جاس ماماندارى قاتىستى.
ەرلان قارين كەڭەستىڭ جاستار ساياساتىنىڭ وزەكتى ماسەلەلەرىن شەشۋگە باستاماشى بولىپ، پرەزيدەنتتىڭ جاستارعا قاتىستى رەفورمالارىن جۇزەگە اسىرۋعا بەلسەندى قاتىسىپ كەلە جاتقانىن اتاپ ءوتتى.
سونىمەن قاتار، مەملەكەتتىك كەڭەسشى اۆتوموبيل كولىگى كوللەدجىنىڭ ستۋدەنتتەرىمەن كەزدەستى. «پرەزيدەنتتىڭ 2025 جىلدى «جۇمىسشى ماماندىقتار جىلى» دەپ جاريالاۋى مەملەكەتتىڭ كاسىپتىك ءبىلىم بەرۋ ءىسىن ودان ءارى دامىتۋعا مۇددەلى ەكەنىن بىلدىرەدى»، – دەدى ەرلان قارين.
بۇدان بولەك، ول جولداۋدى ءتيىمدى جۇزەگە اسىرۋدىڭ جانە اتوم ەلەكتر ستانسياسىن سالۋ ماسەلەسىنە قاتىستى الداعى رەفەرەندۋمنىڭ ماڭىزدىلىعى تۋرالى ءسوز قوزعادى.
مەملەكەتتىك كەڭەسشى وتكىزگەن كەزدەسۋلەردىڭ قورىتىندىسى بويىنشا قۇزىرلى ورگاندارعا ىشكى ساياسات سالاسىنداعى جۇمىستى جەتىلدىرۋ بويىنشا ناقتى ۇسىنىستار مەن تاپسىرمالار بەرىلدى.