قازاقستاندا اتوم ەلەكتر ستانسياسىن سالۋ ماسەلەسى بۇگىنگى تاڭدا اسا ماڭىزدى جانە وزەكتى بولىپ وتىر. ءبىز، قازاقستان رەسپۋبليكاسى پارلامەنتى ءماجىلىسىنىڭ دەپۋتاتتارى، اەس-تى قولدايتىن حالىقتىق شتاب مۇشەلەرى رەتىندە ايماقتارداعى حالىقپەن كەزدەسىپ، وسى ماسەلەنى تالقىلاۋدامىز. قوستاناي وبلىسىنداعى كەزدەسۋلەرىمىز بارىسىندا ستۋدەنتتەردەن باستاپ ەنەرگەتيكا سالاسىنىڭ ماماندارىنا دەيىن كوپتەگەن ازاماتتارىمىزدىڭ پىكىرىن تىڭدادىق.
اەس سالۋ – ەلىمىزدىڭ ەنەرگەتيكالىق قاۋىپسىزدىگىن قامتاماسىز ەتۋدەگى ماڭىزدى قادام. ەنەرگيا تاپشىلىعىنىڭ جىلدان-جىلعا ارتىپ كەلە جاتقانىن ەسكەرسەك، اتوم ەنەرگەتيكاسى – ەلىمىز ءۇشىن بالاماسىز شەشىم. بۇل ستانسيا مىڭداعان جاڭا جۇمىس ورىندارىن اشىپ، تەحنولوگيالىق يننوۆاسيالارعا جول اشادى. سونىمەن قاتار، بۇل ءبىزدىڭ ەكونوميكامىزدىڭ وسۋىنە قۋاتتى سەرپىن بەرەدى.
اتوم ەلەكتر ستانسياسى – قازاقستاننىڭ بولاشاعى ءۇشىن قاجەتتى جوبا. ەنەرگيا تاپشىلىعىن بولدىرماۋ ءۇشىن اەس سالۋ وتە ماڭىزدى. جاستارىمىز وسى سالادا جاڭا ماماندىقتاردى يگەرىپ، ەلىمىزدىڭ ەنەرگەتيكالىق دەربەستىگىن قامتاماسىز ەتەتىن بولاشاقتىڭ نەگىزگى كۇشتەرىنە اينالادى.
قازاقستان ءۇشىن بۇل جوبا – ەلدىڭ دامۋىنا ۇلەس قوساتىن ۇلكەن مۇمكىندىك. الداعى رەفەرەندۋمدا ازاماتتاردىڭ پىكىرى ەرەكشە ءرول اتقارادى. ءارقايسىمىزدىڭ داۋىسىمىز – ەلىمىزدىڭ ەرتەڭىن انىقتايتىن ماڭىزدى قادام.