جۇمىس جوسپارى تالقىلاندى.
الماتى قالاسى اكىمىنىڭ ورىنباسارى ەرجان باباقۇماروۆ ونلاين فورماتتا كامەلەتكە تولماعاندارمەن جۇمىس بويىنشا جەدەل ارەكەت ەتۋ شتابىنىڭ وتىرىسىن وتكىزدى. وتىرىسقا ورتا جانە كاسىپتىك ءبىلىم بەرۋ ۇيىمدارىنىڭ باسشىلارى، ۇەۇ وكىلدەرى مەن ءبىلىم جانە پسيحولوگيا سالاسىنىڭ ساراپشىلارى قاتىستى، دەپ حابارلايدى Almaty-akshamy.kz.
شتاب وتىرىسىنىڭ نەگىزگى مىندەتى – كامەلەتكە تولماعاندار اراسىنداعى ديەۆيانتتى مىنەز-قۇلىقتىڭ الدىن الۋ ادىستەرىن جەتىلدىرۋ. بۇل قيىن ومىرلىك جاعدايداعى كامەلەتكە تولماعاندارعا الەۋمەتتىك-پسيحولوگيالىق قولداۋ جاساۋ جانە قولداۋ شارالارىن قامتاماسىز ەتۋ ءۇشىن قاجەت.
شتاب مۇشەلەرى قالادا ورىن العان داعدارىستىق جاعدايلاردى قاراستىردى جانە جالعاسىپ جاتقان پاندەميانى ەسكەرە وتىرىپ، كامەلەتكە تولماعانداردىڭ ەموسيونالدى كوڭىل-كۇيى مەن مازاسىزدىق دەڭگەيىن دياگنوستيكالاۋ بويىنشا كوپ دەڭگەيلى جۇمىس جوسپارىن تالقىلادى. وتىرىس بارىسىندا الماتى قالاسى يۋۆەنالدى پوليسيا ءبولىمىنىڭ باستىعى ج. شونجانوۆا، ءبىلىم بەرۋدەگى جاڭا تەحنولوگيالاردىڭ عىلىمي-ادىستەمەلىك ورتالىعىنىڭ پسيحولوگيالىق قامتاماسىز ەتۋ ءبولىمىنىڭ باسشىسى ە. الييەۆا، «Bilim Foundation» قق ايماقتىق فيليالىنىڭ باسشىسى ۆ. كوكانوۆا، سونداي-اق پسيحيكالىق دەنساۋلىق ورتالىعىنىڭ وكىلدەرى ءسوز سويلەدى.
سونىمەن قاتار، ءبىلىم بەرۋدىڭ ءداستۇرلى فورماتىنا ورالۋ اياسىندا وقۋشىلاردىڭ ەموسيونالدىق جاعدايىن تالداۋدى كۇشەيتۋ جانە «تاۋەكەل توپتارىن» انىقتاۋ، سونداي-اق اتا-انالارمەن ءوزارا ارەكەتتەستىكتى كۇشەيتۋ بويىنشا ساراپتامالىق پىكىرلەر تىڭدالدى. سونداي-اق وفلاين رەجيمدە وقۋعا قولايلى جاعداي جاساۋ ءۇشىن قاۋىپسىزدىك شارالارىن، ونىڭ ىشىندە ەپيدەميولوگيالىق شارالاردى ساقتاۋدىڭ ماڭىزدىلىعىنا نازار اۋدارىلدى.
اكىمنىڭ ورىنباسارى ەرجان باباقۇماروۆ پاندەميانىڭ كامەلەتكە تولماعانداردىڭ پسيحولوگيالىق جاعدايىنا كەرى اسەرىن ەسكەرە وتىرىپ، ءبىلىم بەرۋ مەكەمەلەرىنىڭ پسيحولوگيالىق قىزمەتى جۇمىسىنىڭ ءبىرىڭعاي قالالىق الگوريتمى مەن ادىستەمەسىن ازىرلەۋدى تاپسىردى. پسيحولوگيالىق قىزمەتتىڭ تيىمدىلىگىن جانە مەديسينالىق كابينەتتەردىڭ جۇمىسىن جاقسارتۋ بويىنشا قوسىمشا شارالاردى ازىرلەۋ تاپسىرىلدى. 2022 جىلدان باستاپ مەكتەپتەر مەن كوللەدجدەردەگى كريزيستى وقيعالاردىڭ سانى مەكتەپ اكىمشىلىگى مەن اۋداندىق ءبىلىم ءبولىمىنىڭ ساپالىق كورسەتكىشىنە اينالادى.
ەسكە سالساق، بۇگىندە الماتى قالاسىنداعى 207 مەكتەپتە 360 جوعارى ءبىلىمدى پسيحولوگ جۇمىس ىستەيدى. مەكتەپ پسيحولوگتارى ءۇشىن بىلىكتىلىكتى ارتتىرۋ كۋرستارى ۇيىمداستىرىلادى. 2020 جىلى 153 پسيحولوگ كۋرستاردان ءوتتى. ومىرلىك قيىن جاعدايعا نەمەسە ەموسيونالدى اۋىتقۋشىلىققا تاپ بولعان ادامدار ءۇشىن 376-56-60، 116-16 نومىرلەرى بويىنشا الماتى قالاسىنىڭ ءبىرىڭعاي بايلانىس ورتالىعىمەن بىرىكتىرىلگەن كريزيس جاعدايىنداعى سەنىم تەلەفونى جۇمىس ىستەيدى. بۇل رەتتە بالالار مەن جاسوسپىرىمدەرگە ارنالعان 150 ءنومىرى بويىنشا سەنىم تەلەفونى جۇمىس ىستەيدى.
