بۇگىنگى تاڭدا كۆي جۇقتىرعانداردىڭ سانى الەم بويىنشا 221 ملن استام ادامعا جەتكەن.
دۇنيەجۇزىلىك دەنساۋلىق ساقتاۋ ۇيىمى تامىزدىڭ سوڭعى كۇندەرىمەن سالىستىرعاندا الەمدە اۋرۋشاڭدىق كورسەتكىشى تومەندەگەنىن ايتادى، دەپ حابارلايدى Almaty-akshamy.kz COVID-19 تارالۋىنا جول بەرمەۋ جونىندەگى ۆاك-عا سىلتەمە جاساپ.
دۇنيەجۇزىلىك دەنساۋلىق ساقتاۋ ۇيىمى قىركۇيەكتەن باستاپ الەمدە COVID-19 اۋرۋى تومەندەي باستاعانىن ايتادى. قىركۇيەكتىڭ ءبىرىنشى اپتاسىندا 700 مىڭنان استام كوروناۆيرۋس تاسىمالداۋشىلارى انىقتالعان تامىزدىڭ سوڭعى كۇندەرىمەن سالىستىرعاندا الەمدە اۋرۋشاڭدىق كورسەتكىشى تومەندەدى.
ءقازىر ورتاشا كورسەتكىش 600 مىڭ ادام دەڭگەيىندە قالىپتاستى. SARS-CoV-2 ۆيرۋسىنىڭ تارالۋ قارقىنى وڭتۇستىك امەريكا مەن وڭتۇستىك ازيا ەلدەرىندە تومەندەدى. ددسۇ مالىمەتتەرى بويىنشا، بۇگىنگى تاڭدا الەمدە 221 ميلليوننان استام ادام كوروناۆيرۋس جۇقتىرعان.
الەم بويىنشا ەكپە العانداردىڭ سانى ارتىپ كەلەدى. رەسمي مالىمەت بوىنشا، قىتايدا حالىقتىڭ 80% - عا جۋىعى يممۋندالعان.
«بۇكىل ەل بويىنشا 2،113 ملرد ەكپە جاسالدى، 1 كومپونەنتتى العان ازاماتتار سانى 1،095 ملرد-قا جەتتى، حالىقتى قامتۋ ۇلەسى 77،6% - دى قۇرادى»، – دەدى قحر گيگيەنا جانە دەنساۋلىق ساقتاۋ جونىندەگى مەملەكەتتىك كوميتەتىنىڭ وكىلى ۋ ليانيۋ.
969 ميلليون جۇڭگو ازاماتى كوروناۆيرۋستىق ينفەكسياعا تولىعىمەن ەگىلدى. COVID-19 انىقتالعاننان كەيىن، جۇڭگو سىرتقى جانە ىشكى شەكارالاردى بىردەن جاۋىپ تاستادى جانە ءقازىر بۇل ەل بۇكىل الەمدە ۆيرۋس جۇقتىرعان ادامدار سانى بويىنشا 109-شى ورىندا. بۇگىنگى تاڭدا كوروناۆيرۋستىڭ 95 064 فاكتىسى تىركەلىپ، 4 636 ادام قايتىس بولدى.