الماتى قالاسى اكىمىنىڭ ورىنباسارى ەرجان باباقۇماروۆ ونلاين فورماتتا مەگاپوليس اۋماعىندا ورنالاسقان جەكە ەمحانالار باسشىلارىمەن كەزدەسۋ وتكىزدى. كەڭەسكە قالالىق قوعامدىق دەنساۋلىق باسقارماسىنىڭ باسشىسى ن.تابىنبايەۆ پەن «الەۋمەتتىك مەديسينالىق ساقتاندىرۋ قورى» كەاق اۋماقتىق فيليالىنىڭ باسشىسى ت.ابىلدايەۆ قاتىستى.
ىندەت كەزىندە جانە ەلدە ءۇندى شتامى اينالىمىنىڭ اعىمداعىلاردان 2 ەسە ءقاۋىپتى ەكەنىن ەسكەرە وتىرىپ، قالالىق شتاب حالىقتى ۆاكسينالاۋ جۇمىستارى كۇشەيتەتىن بولادى.
ەرجان باباقۇماروۆ الماتىدا جۇقتىرۋدىڭ جاڭا تولقىنىن بولدىرماۋ ءۇشىن ۇجىمدىق يممۋنيتەتتىڭ قالىپتاستىرۋدى جەدەلدەتۋگە نازار اۋداردى
"باستى ماقسات – قالا تۇرعىندارىنىڭ دەنساۋلىعى مەن ەكونوميكانىڭ جۇمىس ىستەۋىنىڭ جالعىز قورعانى بولىپ تابىلاتىن ۆاكسينا جۇرگىزۋدى جەدەلدەتۋ. بۇگىندە حالىقتىڭ 30%-دا ۇجىمدىق يممۋنيتەت قالىپتاسقان، الداعى مىندەت – 70-75% قامتۋ. ۆاكسينالاۋ قارقىنىن تومەندەتۋگە بولمايدى، بۇل COVID-19 جاپپاي جۇعۋىنىڭ الدىن الۋعا جانە الماتىلىقتاردىڭ ءومىرى مەن دەنساۋلىعىن قورعاۋعا مۇمكىندىك بەرەدى»، - دەدى قالا اكىمىنىڭ ورىنباسارى.
ايتا كەتەرلىگى، “حالىقتىڭ دەنساۋلىعى مەن دەنساۋلىق ساقتاۋ جۇيەسى تۋرالى” ق ر كودەكسىنە سايكەس، مەديسينالىق كومەك كورسەتەتىن دەنساۋلىق ساقتاۋ سۋبەكتىلەرى وزگەلەرگە ءقاۋىپ توندىرەتىن اۋرۋلاردىڭ الدىن الۋ بويىنشا ءىس-شارالار وتكىزۋگە مىندەتتى. ۆاكسينا ينفەكسيانىڭ الدىن-الۋدىڭ جانە بولدىرماۋدىڭ قۇرالى. ۇجىمدىق يممۋنيتەت ءوز كەزەگىندە مەديسينالىق قارسى كورسەتكىشتەرى بار ەكپە الماعان ادامداردى، بالالاردى، جۇكتى ايەلدەردى حالىقتىڭ ينفەكسيالارعا قارسى پروفيلاكتيكالىق ەكپەلەرمەن قامتۋدىڭ شەكتى دەڭگەيىنە جەتۋ ارقىلى قورعايدى.
ەسكە سالساق، الماتىدا 23 ماۋسىمداعى جاعداي بويىنشا، بارلىعى 386 مىڭنان استام ادام، ال تاۋلىك ىشىندە 5 840 ادام ەكپە الدى. قالادا مەديسينالىق ۇيىمداردا، مەكتەپتەردە، مادەنيەت، سپورت نىساندارىندا، بازار مەن قالانىڭ سوسو-دا 211 ۆاكسينا پۋنكتى جۇمىس ىستەيدى. 1 257 ادام نان قۇرالعان 304 ەكپە بريگاداسى جۇمىلدىرىلعان. بۇگىندە قالادا قولدا بار ۆاكسياننىڭ قالدىعى مىناداي: ءبىرىنشى كومپونەنتىنىڭ 72 328 دوزاسى، ەكىنشى كومپونەنتتىڭ 99 473 دوزاسى.