COVID-19-دىڭ الدىن الۋ جانە ونىڭ تارالۋىنا جول بەرمەۋ ماقساتىندا الماتى مەكتەپتەرىندە سانيتارلىق-ەپيدەمياعا قارسى ءىس-شارالار كەشەنى وتكىزىلدى. بۇل تۋرالى ق ر پرەزيدەنتى جانىنداعى ورتالىق كوممۋنيكاسيالار قىزمەتىنىڭ باسپا ءسوز كونفەرەنسياسىندا الماتى اكىمىنىڭ ورىنباسارى ە. باباقۇماروۆ ايتتى، دەپ حابارلايدى almaty-akshamy.kz
بۇگىندە الماتىدا 75 (27،8%) مەكتەپ ءبىر اۋىسىمدىق، 194 مەكتەپ (71،8%) ەكى اۋىسىمدىق، 1 مەكتەپ (0،4%) – ءۇش اۋىسىمدىق رەجيمدە جۇمىس ىستەيدى (الاتاۋ اۋدانى، №196 ورتا مەكتەپ، 722 وقۋشى، وفلاين + ارالاس فورماتتا 655 وقۋشى، ونلايندىق رەجيمدە 67 وقۋشى).
قالادا 1 قىركۇيەكتەن باستاپ وفلاين فورماتتا 287 265 وقۋشى وقيدى، ونىڭ ىشىندە كۆي ينفەكسياسى - 1287 جاعداي تىركەلگەن. (0،45%)؛ ونلاين رەجيمدە 19 128 وقۋشى وقيدى، ونىڭ ىشىندە 1039 كۆي جاعدايى (5،4%)، بارلىعى – 2326 كۆي جاعدايى تىركەلگەن. وفلاين فورماتتا وقيتىن وقۋشىلار اراسىندا كۆي جۇقتىرۋ سانى ونلاين رەجيمدە وقيتىن وقۋشىلار اراسىندا جۇقتىرۋ جاعدايىنان 12 ەسە تومەن، ويتكەنى مەكتەپتەردە شەكتەۋ شارالارى ورناتىلعان، پروفيلاكتيكالىق جانە ەپيدەمياعا قارسى ءىس-شارالاردىڭ ساقتالۋىنا باقىلاۋ جۇرگىزىلەدى.
جالپى، وقۋشىلار اراسىندا كۆي دەرتىن جۇقتىرۋدىڭ تومەندەۋى بايقالادى، ەگەر تامىز-قىركۇيەك ايلارىندا تاۋلىگىنە كۆي جۇقتىرۋدىڭ 100-دەن استام جاعدايى تىركەلسە، قازىرگى ۋاقىتتا كۆي 38-46 جاعدايعا دەيىن تومەندەدى.
COVID-19-دىڭ الدىن الۋ جانە ونىڭ تارالۋىنا جول بەرمەۋ ماقساتىندا مەكتەپتەردە مىناداي سانيتارلىق-ەپيدەميولوگيالىق ءىس-شارالار جۇرگىزىلدى:
• باستاۋىش، ورتا جانە جوعارى سىنىپتارعا ارنالعان عيماراتتارعا جەكە كىرۋ ەسىكتەرى بولىنگەن؛
• الەۋمەتتىك قاشىقتىق بەلگىلەرى جاڭارتىلدى، مەكتەپ كىرەبەرىسىندە قىزمەتكەرلەر مەن وزگە دە كەلۋشىلەردى تىركەۋ ءۇشىن "Ashyq" قوسىمشاسىنىڭ QR-كودتارى بار (100%)؛
• زەرتحانالىق، پراكتيكالىق ساباقتاردى قوسپاعاندا، كابينەتتىك وقىتۋ جۇيەسى جويىلدى؛
• مەكتەپتەر جۋۋ جانە دەزينفەكسيالاۋ قۇرالدارىمەن، سانيتايزەرلەرمەن قامتاماسىز ەتىلگەن، جالپى پايدالانۋ ورىندارىندا (اسحانالار، دالىزدەر، سپورت زالدارى)اۋانى زارارسىزداندىرۋعا ارنالعان رەسيركۋلياتورلار ورناتىلادى؛
• ءار اۋىسىم الدىندا وقۋشىلار مەن قىزمەتكەرلەردىڭ كۇندەلىكتى سۇزگىسىن وتكىزۋ ۇيىمداستىرىلعان؛
• مەكتەپ قىزمەتكەرلەرىنە تولىق ەكپە جاسالدى
«ەپيدەمياعا قارسى ءىس-شارالاردىڭ ساقتالۋىنا تۇراقتى باقىلاۋ جۇرگىزۋ ءۇشىن مەكتەپتەردە ءبىلىم باسقارماسىنىڭ وكىلدەرىمەن بىرلەسىپ مونيتورينگ توبى جۇمىس ىستەيدى. مونيتورينگتىك توپ 21 مەكتەپتى تەكسەردى، اۋەزوۆ، الاتاۋ جانە بوستاندىق اۋداندارىنىڭ 5 مەكتەبىندە شەكتەۋ ءىس-شارالارىنىڭ بۇزىلۋى انىقتالدى، بۇزۋشىلىقتاردى جويۋ بويىنشا ۇسىنىستار بەرىلدى، وسى باعىتتاعى جۇمىستار جالعاسۋدا»، - دەدى الماتى اكىمىنىڭ ورىنباسارى.
ەرجان باباقۇماروۆ سونداي-اق قالادا ۆاكسينالاۋعا جاتاتىن مۇعالىمدەردىڭ 100% ەگىلگەنىن اتاپ ءوتتى.
الماتى اكىمى ورىنباسارىنىڭ ايتۋىنشا، جوعارى وقۋ ورىندارىندا دا وسىنداي جۇمىستار جۇرگىزىلۋدە. قالادا بارلىعى 37 جوو جۇمىس ىستەيدى. 2021 جىلعى 1-6 قىركۇيەك ارالىعىندا الماتىدا ونلاين وقىتۋ رەجيمىندە جوو ستۋدەنتتەرى اراسىندا كۆي-دىڭ 149 جاعدايى تىركەلدى.
ۆاكسينامەن وقىتۋشىلاردى قامتۋ جالپى سانىنان 80% (17 496 ادام)، ستۋدەنتتەردى 50% (92 433 ستۋدەنت) قۇرايدى. جۇمىس جالعاسۋدا.
جوعارى جانە ارناۋلى ورتا وقۋ ورىندارىنىڭ جاتاقحانالارى مەن وقۋ كورپۋستارىندا Ashyq جۇيەسى جانە تەرمومەتريا ارقىلى كىرۋ جۇزەگە اسقان، دەزينفەكسيالىق رەجيم كۇشەيتىلگەن، سانيتايزەرلەر مەن رەسيركۋلياتورلار بۇرىن ورناتىلعان، مەديسينالىق باقىلاۋ كۇشەيتىلدى.