وتكەن جىلدان باستاپ الماتىدا كوروناۆيرۋستىق ينفەكسيا بويىنشا قولايسىز ەپيدەميولوگيالىق جاعدايعا بايلانىستى دەنساۋلىق ساقتاۋ سالاسىنداعى تاسىلدەر تولىعىمەن قايتا قارالدى. بۇل تۋرالى ق ر پرەزيدەنتى جانىنداعى ورتالىق كوممۋنيكاسيالار قىزمەتىنىڭ باسپا ءسوز كونفەرەنسياسىندا مەگاپوليس اكىمىنىڭ ورىنباسارى ەرجان باباقۇماروۆ ايتتى، دەپ حابارلايدى almaty-akshamy.kz
الماتى اكىمى ورىنباسارىنىڭ ايتۋىنشا، قالادا "جەدەل جاردەمنىڭ" اۋرۋحاناعا جاتقىزۋداعى جالعىز «كومەكشىسى» رەتىندەگى ءرولىن وزگەرتۋگە؛ قالادا دەرت جۇقتىرعانداردىڭ اۋىرلىعى مەن ەپيدەميا قارقىنىنا قاراي توسەك-ورىنداردى باسقارۋ ءۇشىن ينفەكسيالىق ستاسيونارلاردىڭ جۇمىسى ءۇش ەشەلونعا ءبولىندى.
«الماتىدا مساك جۇمىسى قايتا جاساقتالدى، وندا 364 ءموبيلدى بريگادا قۇرىلدى جانە ۋچاسكەلىك دارىگەرلەردىڭ الەۋەتى كۇشەيتىلدى، ەمحانالارعا قوسىمشا 70 ماشينا بەرىلدى. وتكەن جىلى قۇرىلعان تەلەمەديسينا ورتالىعى ارقىلى پاسيەنتتەردى ۇيدە ەمدەۋگە باقىلاۋ جاسالدى»، - دەدى ەرجان باباقۇماروۆ.
اكىم ورىنباسارىنىڭ ايتۋىنشا، الماتىدا ولىم-جىتىممەن كۇرەسۋ ءۇشىن قالانىڭ شتاتتان تىس باس رەانيماتولوگى باستاعان ءبىرىڭعاي رەانيماسيالىق توپ جۇمىس ىستەۋدە، ول قالانىڭ بارلىق رەانيماسيالارىنىڭ جۇمىسىنا جەتەكشىلىك ەتەدى.
بۇدان وزگە، قالادا تاۋلىكتىك قۋاتى 16 000 زەرتتەۋگە دەيىنگى 28 پتر-زەرتحانانىڭ ورتالىقتاندىرىلعان جەلىسى (جانە 27 مىڭعا دەيىن ۇلعايتۋ مۇمكىندىگى بار)، 14 يفت-زەرتحانا جۇمىس ىستەيدى. سونداي-اق الماتىدا 28 كت-ورتالىقتان تۇراتىن جالپىقالالىق جەلىسى قۇرىلدى.
بۇدان باسقا، قارجى دارىلىك زاتتار مەن جقق رەزەرۆىن قۇرۋعا، جاپپاي ۆاكسينالاۋدى ۇيىمداستىرۋ ءۇشىن تارتىلاتىن مامانداردىڭ ەڭبەگىنە اقى تولەۋگە، مەديسينا قىزمەتكەرلەرىنە COVID-19 ەپيدەمياعا قارسى ءىس-شارالارعا قاتىسقانى ءۇشىن ۇستەمەاقى تولەۋگە، انەستەزيولوگيا جانە رەانيماتولوگيا ورتالىعىنىڭ جۇمىس ىستەۋىنە جانە ت. ب. باعىتتالعان.