ەڭبەك جانە حالقتى الەۋمەتتىك قورعاۋ مينيسترلىگىنىڭ دەرەگىنشە، بۇگىنگى تاڭدا وسى ەۇس 1246 وتباسىنا بەرىلگەن.
سەرتيفيكاتتار ۇكىمەت بەلگىلەگەن قونىستانۋ ايماقتارىنا تۇراقتى تۇرۋعا كوشكەن كانداستار مەن ىشكى قونىس اۋدارۋشىلارعا بەرىلەدى جانە تۇرعىن ءۇي ساتىپ الۋدا ماتەريالدىق كومەك كورسەتۋدى كوزدەيدى، دەپ حابارلايدى aqshamnews.kz
2023 جىلدان باستاپ ق ر 2023-2027 جىلدارعا ارنالعان كوشى-قون ساياساتىنىڭ تۇجىرىمداماسىن ىسكە اسىرۋ اياسىندا جۇمىس كۇشى ارتىق اۋماقتاردان جۇمىس كۇشى تاپشى وڭىرلەرگە ەرىكتى تۇردە قونىس اۋدارۋدى ىنتالاندىرۋ ءۇشىن ەكونوميكالىق ۇتقىرلىق سەرتيفيكاتتارى ەنگىزىلدى.
سەرتيفيكات ءبىر رەت وتەۋسىز جانە قايتارىمسىز نەگىزدە تۇرعىن ءۇي قۇنىنىڭ 50% نەمەسە ءبىر وتباسىنا 4،2 ملن تەڭگەگە دەيىن بەرىلەدى.
«ماتەريالدىق كومەك ۇلتتىق بانك بەكىتكەن يپوتەكالىق باعدارلاما جانە (نەمەسە) ۇكىمەت بەكىتكەن مەملەكەتتىك تۇرعىن ءۇي قۇرىلىسى باعدارلاماسى شەڭبەرىندە تۇرعىن ءۇي ساتىپ الۋ، سالۋ ءۇشىن نەمەسە يپوتەكالىق تۇرعىن ءۇي قارىزدارى بويىنشا باستاپقى جارنانىڭ ءبىر بولىگىن جابۋ ءۇشىن جەرگىلىكتى اتقارۋشى ورگاننىڭ اقشالاي مىندەتتەمەسى نىسانىندا ۇسىنىلادى»، -دەلىنگەن مينيسترلىكتىڭ حابارلاماسىندا.