قوزعالىستى باقىلاۋ ءۇشىن 102 كامەرا ورناتىلدى.
نىساندى پوليسيا كۇزەتەدى، دەپ حابارلايدى aqshamnews.kz
كولىك ءمينيسترى مارات قارابايەۆ قازاقستانداعى ەڭ ۇزىن كوپىردى كۇتىپ ۇستاۋعا قانشا اقشا كەرەك ەكەنىن ايتتى.
«شىعىس قازاقستان وبلىسىندا بۇقتىرما سۋ قويماسى ارقىلى وتەتىن ەلىمىزدەگى ەڭ ۇزىن كوپىرگە قىزمەت كورسەتۋ ءۇشىن جەكە بريگادا تارتىلادى. قاۋىپسىزدىكتى ساقتاۋ ءۇشىن كوپىردىڭ ەكى باسىنا بلوك-بەكەت قويىلادى. نىساندا پوليسيا بولىمشەلەرى جۇمىس ىستەيدى»، - دەدى مارات قارابايەۆ.
كوپىردى كۇتىپ ۇستاۋ وڭىردەگى جەرگىلىكتى بيلىككە جۇكتەلەدى. ءبىراق وعان قوماقتى قارجى قاجەت.
«قاتەلەسپەسەم، وعان شامامەن 300 ملن تەڭگە كەرەك. بۇل ساندى ءالى ناقتىلاۋ شارت. بۇل جۇمىس وبلىس اكىمدىگىنىڭ قۇرىلىمىنداعى جولدارعا قىزمەت كورسەتەتىن ۇيىمعا جۇكتەلەدى»، - دەدى مينيستر.