قازاقستاندىق وندىرۋشىلەر ومىرلىك ماڭىزى بار دارىلەرگە جاتاتىن بازالىق پرەپاراتتاردى شىعارۋدى جولعا قويدى.
بۇگىن وڭىرلەرگە كوروناۆيرۋستىق ينفەكسياعا قارسى ۆاكسينالاردى جەتكىزۋ ماسەلەلەرى تۋرالى "سق-فارماسيا" ءجشس-نىڭ باسقارما ءتوراعاسى ەرحات ەسقالييەۆ ايتىپ بەردى دەپ حابارلايدى Almaty-aksnamy.kz ق ر دەنساۋلىق ساقتاۋ مينيسترلىگىنىڭ باسپا ءسوز قىزمەتىنە سىلتەمە جاساپ.
ق ر پرەزيدەنتى جانىنداعى ورتالىق كوممۋنيكاسيالار قىزمەتىندە وتكەن بريفينگتە «سق-فارماسيا» ءجشس-نىڭ باسقارما ءتوراعاسى ەرحات ەسقالييەۆ ەلىمىزدىڭ مەديسينالىق ۇيىمدارىن دارى-دارمەكپەن قامتاماسىز ەتۋ جانە ايتىپ بەردى.
«سق-فارماسيا» ج ش س ءبىرىڭعاي ديستريبيۋتور رەتىندە تمككك، ءمامس جۇيەسى شەڭبەرىندە مەديسينالىق ۇيىمدار مەن رەسپۋبليكا حالقىن دارىلىك زاتتارمەن قامتاماسىز ەتەدى، سونىمەن قاتار دارىلىك زاتتاردى مەملەكەتتىك ساتىپ الۋدى شوعىرلاندىرۋ ارقىلى فارماسيەۆتيكالىق ونەركاسىپتىڭ دامۋىن قامتاماسىز ەتەدى.
2020 جىلدىڭ 1 قاڭتارىنان باستاپ ءمامس ەنگىزىلۋىنە بايلانىستى 700 مىڭعا جۋىق ساقتاندىرىلعان حالىق امبۋلاتوريالىق دەڭگەيدە تەگىن دارى-دارمەكپەن قامتاماسىز ەتۋگە قول جەتكىزدى.
«ءبىرىڭعاي ديستريبيۋتوردىڭ باستى مىندەتى - دارىلىك زاتتارمەن قامتاماسىز ەتۋ جۇيەسى سۇرانىستىڭ وزگەرۋىنە جەدەل جانە ناقتى جاۋاپ بەرە الاتىنداي، كەز-كەلگەن توتەنشە جاعدايدا يكەمدى جانە ەڭ الدىمەن ازاماتتاردىڭ قاجەتتىلىكتەرىنە باعىتتالعان جۇمىستى ۇيىمداستىرۋ. ويتكەنى ولار – ءبىزدىڭ باستى سەرىكتەسىمىز»، - دەدى ەرحات ەسقالييەۆ.
ول بۇگىندە وڭىرلەردە حالىققا كوروناۆيرۋستىق ينفەكسياعا قارسى ۆاكسينالاردىڭ ءتورت ءتۇرىن تاڭداۋ مۇمكىندىگى بار ەكەنىن ەسكە سالدى.
وسىلايشا، «سپۋتنيك V» ۆاكسيناسى 10 ميلليون 280 مىڭ دوزا كولەمىندە (قفك جانە رف وندىرگەن) ساتىپ الىندى، ونىڭ ىشىندە اعىمداعى جىلدىڭ 1 اقپانىنان باستاپ وڭىرلەرگە ءبىرىنشى كومپونەنتتىڭ 1،9 ملن. دوزاسى جانە ەكىنشى كومپونەنتتىڭ 1،4 ملن. دوزاسى جونەلتىلدى. 10 ماۋسىمعا دەيىن ءبىرىنشى كومپونەنتتىڭ 1 ملن 200 دوزاسىن جانە ەكىنشى كومپونەنتتىڭ 525 مىڭ دوزاسىن جونەلتۋ اياقتالادى. QazCovid-in (QazVac) ۆاكسيناسى 2 ملن. دوزا كولەمىندە ساتىپ الىندى. وڭىرلەرگە 100 مىڭ دوزا جەتكىزىلدى.
كەلەسى جەتكىزىلىم ماۋسىم ايىنىڭ سوڭىنا دەيىن جوسپارلانعان. Hayat-Vax 1 ملن. دوزا كولەمىندە ساتىپ الىندى جانە وڭىرلەرگە جونەلتىلدى. بۇدان باسقا، ءوندىرۋشى Sinovac Biotech كومپانياسى بولىپ تابىلاتىن Coronavac ۆاكسيناسىنىڭ 500 مىڭ دوزاسى ساتىپ الىندى. وڭىرلەرگە جەتكىزۋ 12 ماۋسىمنان كەيىن كۇتىلۋدە.
«وسىلايشا، بۇگىنگى تاڭدا وڭىرلەرگە COVID-19 ۆاكسيناسىنىڭ 4 ملن 400 دوزاسى جەتكىزىلدى. ۆاكسينالاردى ايماقتارعا ءبولۋ ق ر دەنساۋلىق ساقتاۋ مينيسترلىگى سانيتارلىق-ەپيدەميولوگيالىق باقىلاۋ كوميتەتىنىڭ تاپسىرىسى بويىنشا جۇزەگە اسىرىلادى»، - دەپ اتاپ ءوتتى «سق-فارماسيا» ءجشس-نىڭ باسقارما ءتوراعاسى.
بۇدان باسقا، ءبىرىڭعاي ديستريبيۋتور ۆاكسيناسيا جۇرگىزۋ ءۇشىن 19،8 ملن. شپريس ساتىپ الدى، ونىڭ ىشىندە ءبىرىڭعاي ديستريبيۋتوردىڭ قويمالارىنا 11،4 ملن. شپريس جەتكىزىلدى.
ەرحات ەسقالييەۆ قويمالار مەن لوگيستيكا پروسەستەرىنىڭ جۇمىسىن ۇيىمداستىرۋ كەزىندە فارماسيەۆتيكالىق پرەپاراتتاردىڭ قاۋىپسىزدىگى مەن ساپاسى ءبىرىنشى كەزەكتە ماڭىزدى ەكەنىن اتاپ ءوتتى. COVID-19 ۆاكسيناسى جانە ۇلتتىق ەگۋ كۇنتىزبەسىنەن 19 ۆاكسينا كەلىپ تۇسكەن كەزدە ساقتاۋ جاعدايلارىنىڭ ءارتۇرلى تەمپەراتۋرالىق كورسەتكىشتەرى بولعاندىقتان، «سالقىنداتۋ تىزبەگىنىڭ» ساقتاۋ مونيتورينگىنە ەرەكشە نازار اۋدارىلادى.
«ەگەر سالقىنداتۋ تىزبەگىنىڭ كەم دەگەندە ءبىر كەزەڭى بۇزىلسا، ۆاكسينا جويىلۋى كەرەك. ءىس-شارالار بارلىق كەزەڭدەردە جۇزەگە اسىرىلۋى ءتيىس: ولاردى فارماسيەۆتيكالىق زاۋىتتا دايىنداۋدان باستاپ، ۆاكسينانى ناقتى پاسيەنتكە جەتكىزۋگە دەيىن. ۆاكسينالاردى تاسىمالداۋدىڭ بارلىق دەڭگەيىندە ىلەسپە قۇجاتتاردا تەمپەراتۋرا كورسەتكىشتەرىن تىركەۋ جۇرگىزىلەدى»، - دەپ سەندىردى ەرحات ەسقالييەۆ.
وتاندىق فارماسيەۆتيكالىق ءوندىرىستى دامىتۋ تۋرالى ايتا كەلە، «سق-فارماسيا» ءجشس-نىڭ باسشىسى ۇكىمەت سالانى دامىتۋدىڭ 2025 جىلعا دەيىنگى كەشەندى جوسپارىن ىسكە اسىرۋدا ەكەنىن، وعان سايكەس ءوز ءوندىرىسىنىڭ ۇلەسى 50%-دى قۇرايتىنىن حابارلادى. ءبىرىڭعاي ديستريبيۋتور ونى ىسكە اسىرۋعا بەلسەندى قاتىسادى. وسىلايشا، بۇگىنگى تاڭدا قازاقستاندىق وندىرۋشىلەر ددسۇ جىكتەۋى بويىنشا ومىرلىك ماڭىزدى دارىلەرگە جاتاتىن بازالىق پرەپاراتتاردى شىعارۋدى جولعا قويدى. مىسالى، كوروناۆيرۋستى ەمدەۋ حاتتاماسىنا كىرەتىن دارى-دارمەكتەردىڭ 48%-ى وتاندىق ونىمدەر بولىپ تابىلادى.