«قازاقتەلەكوم» مەن اقپاراتتاندىرۋ جانە بايلانىس قىزمەتكەرلەر كاسىپوداعى جاڭا ۇجىمدىق شارتقا قول قويدى. سەرىكتەستىكتىڭ باسقارما ءتوراعاسى قۋانىشبەك ەسەكەيەۆ Facebook پاراقشاسىنداعى مالىمدەمەدە جاڭا كەلىسىم-شارت الەۋمەتتىك پاكەتتى تولىق ساقتاي وتىرىپ، ءوندىرىس قىزمەتكەرلەرىنىڭ ايلىعىن ايتارلىقتاي ارتتىراتىنىن ايتقان، دەپ حابارلايدى اlmaty-akshamy.kz
ءوندىرىس جۇمىسشىلارىنىڭ جالاقىسى بىلىكتىلىك دەڭگەيىنە قاراي ورتا ەسەپپەن 20-50 پايىزعا ارتادى.
«ۇجىمدىق شارتىمىزدىڭ جاڭا نۇسقاسىندا ءبىز، ەڭ الدىمەن، جاپپاي جۇمىسشىلار مەن ينجەنەرلىك-تەحنيكالىق قىزمەتكەرلەردىڭ لاۋازىمدىق جالاقىسىنىڭ تومەنگى دەڭگەيىن كوتەرۋ، سونداي-اق قىزمەتكەرلەردىڭ اي سايىن الاتىن جالاقىسىنىڭ بولىگىن كوبەيتۋ مىندەتىن الامىز»، - دەيدى ق.ەسەكەيەۆ.
بۇدان بولەك كومپانيا كوپ بالالى جانە ەرەكشە قاجەتتىلىكتەرى بار بالالاردى تاربيەلەپ وتىرعان وتباسىلاردى قولداۋ باعدارلاماسىن دا قوسا بەكىتكەن.
«قازىرگى ۋاقىتتا كومپانيا باسشىلىعى قىزمەتكەرلەردىڭ جەكەلەگەن ساناتتارىنا الەۋمەتتىك قولداۋ كورسەتۋ بويىنشا ءبىرقاتار باستامالاردى قاراستىرۋدا. بۇل رەتتە ءبىز قىزمەتكەرلەرىمىزدىڭ وزدەرىن دە، ولاردىڭ بالالارىنىڭ ءبىلىم الۋىن ينۆەستيسيالاۋدى جالعاستىرامىز»، - دەپ قوستى باسقارما ءتوراعاسى.