سۋ رەسۋرستارى جانە يرريگاسيا مينيسترلىگى ەرەكشە ستراتەگيالىق ماڭىزى بار سۋ شارۋاشىلىعى قۇرىلىستارىنىڭ تىزبەسىنە تولىقتىرۋلار ەنگىزۋ تۋرالى ۇكىمەت قاۋلىسىنىڭ جوباسىن ازىرلەدى.
اتاپ ايتقاندا، تىزىمگە شىعىس قازاقستان وبلىسى وبا وزەنىندەگى سۋ ەلەكتر ستانسيالارى كاسكادىن قوسۋ جوسپارلانىپ وتىر، دەپ حابارلايدى aqshamnews.kz.
Cالا مينيسترلىگىنىڭ مالىمەتىنشە، قاۋلى جوباسى اشىق نورماتيۆتىك قۇقىقتىق اكتىلەردىڭ ينتەرنەت-پورتالىندا ورنالاستىرىلعان. جوبانى قابىلداۋ مەملەكەتتىك بيۋدجەتتەن قوسىمشا شىعىنداردى قاجەت ەتپەيدى.
«مينيسترلىك ۇسىنعان وزگەرىستەر سۋ تاسقىنى ءقاۋپىن ازايتۋ جانە وڭىردەگى ەلدى مەكەندەردى قورعاۋ ءۇشىن تاسقىن سۋدى سەنىمدى باقىلاۋدى قامتاماسىز ەتۋگە باعىتتالعان. سونداي-اق، بۇل وزگەرىس ازاماتتار مەن ونەركاسىپ نىساندارىن سۋمەن جابدىقتاۋدى تۇراقتاندىرۋ ءۇشىن جالپى سىيىمدىلىعى 500 ملن تەكشە مەترگە دەيىنگى قويمالار كەشەنىن دايىنداۋعا مۇمكىندىك بەرەدى. بۇدان بولەك، 3 مىڭ گەكتاردان استام اۋىل شارۋاشىلىعى القابىن سۋارۋ جانە ەكولوگيالىق تازا ەلەكتر ەنەرگياسىنىڭ قوسىمشا كولەمىن ءوندىرۋ ءۇشىن جاعداي جاسالادى»، - دەدى سۋ رەسۋرستارى جانە يرريگاسيا مينيسترلىگىنىڭ سۋ شارۋاشىلىعى يماراتتارىن دامىتۋ دەپارتامەنتىنىڭ ديرەكتورى قۇدايبەرگەن قورعانبايەۆ .