الماتى قالاسى ءماسليحاتىنىڭ شەشىمدەرى وزگەرىستەرگە سايكەس جاڭارتىلىپ جاتىر. الماتى قالاسى ەكولوگيا جانە قورشاعان ورتا باسقارماسىنىڭ باسشىسى مىندەتىن ۋاقىتشا اتقارۋشى م. م. گايسين ءماسليحات سەسسياسىندا ەرەكشە قورعالاتىن تابيعي اۋماقتاردى پايدالانعانى ءۇشىن تولەماقى مولشەرلەمەلەرىنىڭ كۇشىن جويۋ قاجەتتىگىن ءتۇسىندىردى.
بۇعان دەيىن، 2012 جىلى قازاقستان رەسپۋبليكاسىنىڭ سالىق كودەكسىنىڭ 591-بابىنا جانە «ەرەكشە قورعالاتىن تابيعي اۋماقتار تۋرالى» زاڭنىڭ 10-بابىنا سايكەس، الماتى قالاسى ءماسليحاتىنىڭ شەشىمىمەن "مەدەۋ" مەملەكەتتىك وڭىرلىك تابيعي پاركى ءۇشىن تولەماقى مولشەرلەمەلەرى بەكىتىلگەن بولاتىن. بۇل شەشىمگە 2014 جانە 2018 جىلدارى رەداكسيالىق وزگەرىستەر ەنگىزىلگەن.
الايدا، 2024 جىلعى 9 قىركۇيەكتە سالىق كودەكسىنە ەنگىزىلگەن وزگەرىستەرگە بايلانىستى، ەرەكشە قورعالاتىن تابيعي اۋماقتاردى پايدالانعانى ءۇشىن تولەماقىنى رەتتەيتىن باپتار الىنىپ تاستالدى. زاڭعا ەنگىزىلگەن ءتيىستى تۇزەتۋلەر ناتيجەسىندە، ەندى الماتى قالاسى اكىمدىگى مەن ءماسليحاتىنىڭ تولەماقى مولشەرلەمەلەرىن بەلگىلەۋگە قۇزىرەتى جوق.
م. م. گايسيننىڭ ايتۋىنشا، بۇل وزگەرىستەر الماتى قالاسىنىڭ قۇقىقتىق قۇجاتتارىن ق ر قولدانىستاعى زاڭناماسىنا سايكەستەندىرۋدى تالاپ ەتەدى. وسىعان وراي، "مەدەۋ" مەملەكەتتىك وڭىرلىك تابيعي پاركىنە قاتىستى تولەماقى مولشەرلەمەلەرىن بەكىتكەن ءماسليحات شەشىمدەرىنىڭ كۇشى جويىلدى دەپ تانۋ قاجەتتىگى تۋىنداپ وتىر.
"قۇرمەتتى دەپۋتاتتار، بۇل وزگەرىس قۇقىقتىق رەتتەۋدىڭ قازىرگى تالاپتارىنا تولىق سايكەس كەلەدى جانە زاڭنامالىق نورمالاردى ساقتاۋ ماقساتىندا جاسالۋدا. قولداۋلارىڭىزدى سۇرايمىن"، – دەپ قورىتىندىلادى م. م. گايسين.